| e-texts navigator |
| Wylie |
66a1 གསང་བའི་བདག་པོས་འདི་སྐད་ཅེས་གསོལ་ཏོ།། ཨེ་མ་ཧོ།། ཞིང་གི་ཁྱོན་ནི་ཅི་ལྟར་གདའ།། མཐོང་ན་ཇི་ལྟར་གྲགས་པ་ལགས།། རྣམ་པ་དུ་ཡིས་མཐོང་བ་ལགས།། བཅོམ་ལྡན་འདས་ཀྱིས་བཤད
66a2 དུ་གསོལ།། ཅེས་གསོལ་ཏོ།། བཀའ་སྩལ་པ། ལེགས་སོ་ལེགས་སོ་དོན་སྟོན་ན།། ང་ཡི་ཡིད་ལས་བྱུང་བ་འདི།། མཐོང་བར་འདོད་ན་གྲགས་པར་གྱིས།། དོན་དམ་བདེན་མེད་པ་ལ་བལྟ།། རང་རྟོགས་མཐོང་བ་ང
66a3 ལ་བལྟ།། ཐོས་པ་རག་ལུས་པ་ལ་བལྟ།། ཕྱོགས་གཅིག་པ་འདི་ང་ལ་བལྟ།། བདེན་པའི་བྱེ་བྲག་པ་ལ་བལྟ།། དྲུག་པོ་མཐར་ཕྱིན་པ་ལ་བལྟ།། རྣལ་འབྱོར་ཅན་ནི་ང་ལ་བལྟ།། སྤྱོད་པས་མང་སྙེམས་པ་ལ
66a4 བལྟ།། གཉིས་ཀའི་བདེ་བ་ང་ལ་བལྟ།། ཐེག་ཆེན་སྤྱོད་པ་ང་ལ་བལྟ།། མཚམས་སྦྱོར་ཆེན་པོ་ང་ལ་བལྟ།། ཡང་དག་རྩེ་མོ་ང་མཐོང་ཟེར།། དེས་ཀྱང་མཐོང་བ་ཤིན་ཏུ་དཀའ།། སྐྱེ་བོ་ཕལ་པས་ང་མི་མཐོང་།།
66a5 མཐོང་ཀུན་རྟོགས་འགའ་ཙམ་ཡོད།། ང་མཐོང་ཟེར་བའི་རྟོག་གེ་བ།། འགྲོ་བ་འདྲེན་པར་མི་འགྱུར་རོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ
66a6 ཏོ།། དོན་དམ་ཕུར་པའི་རྒྱུ་ནི་ཇི་ལྟར་ལགས།། དེ་ཡི་ཚད་ནི་ཇི་ལྟར་ལགས།། དེ་ཡི་དབྱིབས་ནི་ཇི་ལྟར་ལགས།། དེ་ཡི་གྲངས་ནི་ཇི་ལྟར་ལགས།། ཞེས་གསོལ་ཏོ།། བཀའ་སྩལ་པ། ལེགས་པར་དྲི་བའི་ལམ་གྱི
iiif viewer powered by OpenSeadragon
