| e-texts navigator |
| Wylie |
65b1 ཡང་ལམ་ཆེན་གཅིག་ཏུ་འདུས།། ལྷ་ཚོགས་བྱེ་བྲག་བསམ་ཡས་པས།། དཀྱིལ་འཁོར་བསམ་ལས་འདས་པ་སྟེ།། མདོར་བསྡུས་དཀྱིལ་འཁོར་གཅིག་ལ་འདུས།། ཐེག་དང་མི་ཐེག་དབང་གིས་ན།། ཐེག་པའི་བྱེ་བྲག
65b2 མཐོང་ལ་གོལ།། ཡང་དག་དོན་གྱི་ལམ་ཡིན་པས།། དབང་ནི་རྣམ་པ་བཞི་རུ་འདུས།། ལ་ལ་གླེན་པའི་རྟུལ་ཞུགས་དང་།། ལ་ལ་སྦྱིན་པའི་ཤེས་རིག་དང་།། ལ་ལ་མཛངས་པའི་ལས་ཐབས་དང་།། ལ་ལ་ཕྱོགས
65b3 མཚམས་དགའ་ཤེས་དང་། ཁ་ཅིག་ཀུན་རྟོག་ཡོངས་སུ་ཤེས།། དམ་ཚིག་རྣམ་པ་གསུམ་དུ་གྲགས།། ལྷ་ཡི་བྱེ་བྲག་མང་པོ་ལས།། བསོད་ནམས་ཆེ་ཆུང་དབང་གིས་ན།། ཡང་ནས་ཡང་དུ་བསམ་པ་སྟེ།། རྣམ་པ
65b4 གསུམ་དུ་རབ་ཏུ་གྲགས།། ལ་ལ་བསྟོད་ལ་ལ་ལ་སྨད།། བསྡུ་ན་རྣམ་པ་ལྔ་ཡིན་ཏེ།། གཅིག་ཏུ་གྲགས་པ་རྣམ་པ་དྲུག། དེ་ལ་སོགས་ཏེ་མི་རྣམས་ལ།། རྣམ་པ་བཞི་རུ་རབ་ཏུ་གྲགས།། བྱོལ་སོང་རྩ་བ་གཅིག་ཡིན
65b5 ཏེ།། ཡི་དྭགས་བྱེ་བྲག་གཉིས་སུ་འགྲོ།། སྡུག་བསྔལ་རྩ་བ་དམྱལ་བ་སྟེ།། བྱེ་བྲག་བགྲང་ན་རྣམ་པ་གཉིས།། ལྷག་པའི་སྡུག་བསྔལ་དེ་དང་གསུམ།། དེ་ལྟར་རིགས་དྲུག་སེམས་ཅན་ནི།། སོ་སོའི་བྱེ་བྲག་བསམ་ལས
65b6 འདས།། ཞེས་བཀའ་སྩལ་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ།། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། རྒྱུ་འབྲས་ཀྱི་བྱེ་བྲག་གི་ལེའུ་སྟེ་བརྒྱད་པའོ།། ། དེ་ནས་ཡང
iiif viewer powered by OpenSeadragon
