| e-texts navigator |
| Wylie |
64b1 བརྒྱད་ཟུར་བརྒྱད་འབར་བར་བསྐོར།། དབུས་སུ་བཅོམ་ལྡན་ཡབ་ཡུམ་བཅས།། སྒོ་ལ་སོགས་པ་ཉི་ཤུ་གཅིག། འབར་བ་རེ་ལ་ཕུར་པ་རེ།། བྱིན་བརླབ་དབང་སྐུར་བྱས་ལ་དགོད།། དེ་ཡི་འབར་བའི་སྟག་གསོ
64b2 ལ།། དམར་པོའི་ཚོན་གྱིས་དཔལ་གྱི་གཤོས།། ཀུན་གྱི་ཁ་རུ་རེ་རེ་གཞག། དེ་མ་དཔལ་བཤོས་བཟང་པོའོ།། དེ་ཡི་ཕྱི་རིམ་སེར་པོ་ལ།། ཁྲོ་བོ་སྤྲུལ་པ་སྤེལ་མར་ནི།། ཕྱོགས་དང་ཕྱོགས་མཚམས་མ་ནོར་གཞག། དེ
64b3 ཡང་སྒོ་དང་བཅས་པའོ།། དེ་ཡི་ཕྱི་རིམ་པར་ཁྱམས་ལ།། དམར་པོའི་ཚོན་གྱིས་རབ་བཀང་སྟེ།། གཡས་དང་གཡོན་དུ་དགོད་པར་བྱ།། དེ་བཞིན་སྒོ་ལ་སྒོ་བ་བཞི།། བསེ་མོ་བཞི་ནི་དགོད་པར་བྱ།། ལྕགས་རི་ལ་ནི
64b4 དབང་ཕྱུག་མ།། བདུན་བདུན་སྲིན་མོ་འགྲོས་སུ་གཞག། སྐེད་པ་རྒྱ་མདུད་རྩེ་མོ་དཔལ།། རྩ་བ་ཞི་བའི་ལུགས་སུ་བྱ།། ཚོན་གྱི་ཁ་དོག་སོ་སོ་ནི།། མཁས་པ་ཉིད་ཀྱིས་ནན་ཏན་བྱ།། རེ་རེ་རེ་ག་པཉྩ་ཡང་།། ཤིང་བུ
64b5 ཉིད་ཀྱིས་བཅོས་པར་བྱ།། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་དཀྱིལ་འཁོར་ཡང་དག་མཆོག། རིན་ཆེན་ཟུར་བརྒྱད་དཀྱིལ་འཁོར་ནི།། གསང་བ་ཐུགས་ཀྱི་མཎྜལ་ལོ།། ཞེས་གསུངས་སོ།། དེ་བཞིན
64b6 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ཐུགས་ཀྱི་དཀྱིལ་འཁོར་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་གསང་བའི་བདག་པོས། བཅོམ
iiif viewer powered by OpenSeadragon
