| e-texts navigator |
| Wylie |
64a1 མཚམས་ཀྱང་བཅད།། ཤིན་ཏུ་རྔམས་པའི་ང་རོ་ཡིས།། ཕུར་པ་བཅུ་ལ་སྔགས་བཟླས་ལ།། ཕྱོགས་བཞི་མཚམས་བརྒྱད་མཚམས་ཀྱང་བཅད།། བཟླས་པ་ལས་ཀྱི་སྔགས་བཟླས་ལ།། ཕྱོགས་སྐྱོང
64a2 བཀུག་པ་ཕུར་པ་གདབ།། སྤྱི་དང་ཐུན་མོང་ལས་རྣམས་བྱ།། མང་པོ་རྒྱས་པ་ང་ཡིས་བཤད།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན
64a3 སྣང་བྱེད་ལས། གསུང་གི་དཀྱིལ་འཁོར་བསྟན་པའི་ལེའུ་སྟེ་དྲུག་པའོ།། །། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་མ་འོངས་པའི་དོན་དུ། ཐུགས་ཀྱི་དཀྱིལ་འཁོར་བསྟན་དུ
64a4 གསོལ།། གང་ཕྱིར་བདག་ལ་བཤད་དུ་གསོལ།། ཀཱི་ལ་ཡ་ཡིས་བཀའ་སྩལ་པ།། དཀྱིལ་འཁོར་ཆ་ནི་བསྙམས་པ་ལ།། ནང་གི་ཕོ་བྲང་ཐིག་གདབ་ནི།། ཐིག་རྐང་བདུན་པ་བདུན་པ་ལ།། ཟུར་ཐིག་སྦལ་མགོ་སྦལ
64a5 མགོར་གདབ།། རིན་ཆེན་ཟུར་བརྒྱད་ཉི་ཤུ་གཅིག། དབུས་ནས་ཕོ་བྲང་རིན་ཆེན་འབར།། ཟླ་གམ་ཕྱེད་ལ་སྒོ་བྱ་བ།། ཚངས་པའི་ཐིག་ལ་གདབ་པར་བྱ། ཁྱམས་ནི་རྣམ་པ་བཞི་ཡོད་དོ།། སྒོ་ནི་རྣམ་པ་གསུམ་དུ
64a6 འདོད།། དང་པོ་བདག་ཉིད་རྩ་བའི་སྒོ།། གཉིས་པ་ཐུགས་རྗེ་སྤྲུལ་པའི་སྒོ། ཁྲོ་བོ་སྤྲུལ་པའི་སྒོ་རུ་གྲགས།། གསུམ་པ་རང་བཞིན་གནས་ཀྱི་སྒོ།། སྲུང་མ་མ་མོའི་སྒོ་རུ་གྲགས།། རིན་པོ་ཆེ་ཡི་གཅོད་ཐབས་ནི།། ཟུར
iiif viewer powered by OpenSeadragon
