| e-texts navigator |
| Wylie |
63a1 གདབ།། ཅེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཞུས་ཏེ། བཅོམ་ལྡན་ཐབས་ཀྱིས་རྒྱལ་པོ་མཆོག། སློབ་མའི་ཕྱག་རྒྱ་བཙལ་བ་ནི།། གང་གི་དོན་དུ་གསུངས་པ
63a2 ལགས།། གང་གི་དོན་དུ་བཙལ་བ་ལགས།། བཅོམ་ལྡན་འདས་ཀྱིས་བཤད་དུ་གསོལ།། ཞེས་གསོལ་ཏོ།། བཀའ་སྩལ་པ། ཤ་ཁྲག་འབར་ཞིང་དབང་པོ་གསལ།། ལོ་ཚད་ལོན་ཞིང་མཚན་དང་ལྡན།། བདེ་བ་འཛིན
63a3 ལ་རབ་ཏུ་མཁས།། སློབ་མའི་འོས་སུ་ཤིན་ཏུ་སྔགས།། ཞེས་གསུངས་སོ།། དེ་ནས་ཡང་གསང་བའི་བདག་པོས་ཞུས་པ། དེ་ལྟ་བུ་ཡི་སློབ་མ་ཡིས།། དཀྱིལ་འཁོར་ཆ་ནི་ཇི་ལྟར་བརྟག། བཅོམ་ལྡན་འདས་ཀྱིས
63a4 བཤད་དུ་གསོལ།། ཞེས་གསོལ་ཏོ།། བཀའ་སྩལ་པ། སློབ་མ་པདྨ་ཅན་དག་གིས།། དཀྱིལ་འཁོར་ཆ་ནི་བརྟག་པར་བྱ།། ཕྱོགས་ཆ་མཉམ་པའི་ཚངས་ཐིག་ལ།། ཟུར་ཐིག་ཆ་བསྙམ་རྒྱ་གྲམ་ཆ་བཞི་སྙམས།། ཆ་ཆེན
63a5 བརྒྱད་དུ་རབ་ཏུ་བགོ། ཚངས་ཐིག་ཕྱེད་ལ་ཕྱེད་མར་གདབ།། དེ་ལྔ་གཡས་གཡོན་ཆ་བསྙམས་གདབ།། དེ་ལྟར་ཆ་ཆེན་བརྒྱད་གྱུར་ནས།། དབུས་གཉིས་ཆ་ཡི་ཐ་མ་ལ།། ཆ་ཕྲན་དུ་ནི་ཐིག་ཐུང་གདབ།། ཡང་ན་ཐིག
63a6 རིང་བཏབ་ཀྱང་རུང་།། ཆ་གཉིས་ཀུན་གྱི་ཕྱི་རོལ་དྲང་།། སྒོ་ཆ་བརྒྱད་ལས་པཉྩ་གནས།། ཡང་ན་ཆ་གཅིག་དགུ་རུ་བསྒོ།། ཆ་གསུམ་སུམ་ཆ་རེ་རེ་ནི།། དེ་ནི་དབུས་ཆ་གཉིས་པའོ།། ཁྲུ་བཞི་དག་ཏུ་བསྟན་པ་ལ།། ཡང
iiif viewer powered by OpenSeadragon
