| e-texts navigator |
| Wylie |
62a1 བཏུང་བའི་ཚོགས།། མང་པོ་ཉིད་དུ་བསག་པར་བྱ།། བསྒྲལ་བ་ཟིན་ནས་དབང་བསྐུར་ན།། རིམ་པར་སྟེགས་བུ་བརྩིགས་པར་བྱ།། མདོ་མདོར་བསྙེན་པ་བསྙེན་ཆེན་ལ།། མདོ་མདོར་བསྒྲུབ་པ་བསྒྲུབ
62a2 ཆེན་ནོ།། མདོ་མདོར་སྟོང་པའི་ཆོ་ག་བྱ།། དེ་ནས་ཚོགས་ཀྱི་འཁོར་ལོ་ནི།། བརྒྱ་རྩ་བརྒྱད་དམ་སྟོང་རྩ་བརྒྱད།། ཅི་ནུས་རྣལ་འབྱོར་པ་ཡིས་བྱ།། དེ་ནི་ཚོགས་ཀྱི་འཁོར་ལོའོ།། ཞེས་གསུངས་སོ།། དེ་བཞིན་གཤེགས
62a3 པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་རྒྱུད་ཀྱི་རྒྱལ་པོ། འཇིག་རྟེན་སྣང་བྱེད་ལས་སྐུའི་དཀྱིལ་འཁོར་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་གསང་བའི་བདག་པོས།། བཅོམ་ལྡན་འདས་ལ་འདི
62a4 སྐད་ཅེས་གསོལ་ཏོ།། ཀྱེ་བཅོམ་ལྡན་འདས་གསུང་གི་དཀྱིལ་འཁོར་འདི་ཞུ་བར་འཚལ་ལོ།། ཞེས་གསོལ་ཏོ།། དེ་ནས་དབྱིངས་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་སྒྱུ་མ
62a5 ཆེན་པོར་སྐུ་བཞེངས་ནས། འདི་སྐད་ཅེས་བཀའ་སྩལ་ཏོ།། གསང་བའི་བདག་པོ་དུས་ལ་བབ་ན་ད་ཉོན་ཅིག་རྣལ་འབྱོར་དཔའ་བོས་བསྒྲུབ་འདོད་ན།། དང་པོར་ས་སྦྱངས་བསླངས་སྤྱན་དང་།། དབང་པོའི་ལས
62a6 རྣམས་ལྷ་ལ་བྱ།། དེ་ལྟར་ལས་རྣམས་ཀུན་ལ་རིག་བྱ།། ཡང་བཀའ་སྩལ་པ། གཉིས་པ་ཕྱི་ནང་གཉིས་ཀྱིས་སྦྱང་།། གསུམ་པ་མཚམས་ལྔ་ལ་སོགས་བྱ།། བཞི་པ་ཆོས་སྤྱོད་རྣམ་པ་བཅུ།། ལྔ་པ་འཇིག་རྟེན་གཏོར་མ
iiif viewer powered by OpenSeadragon
