| e-texts navigator |
| Wylie |
61b1 ནས་དབྱུང་བའི་ཕྱིར།། རྩིབས་བརྒྱད་ཐིག་ནི་ལེགས་པར་གདབ།། རྒྱས་པ་ནི་ཐོད་པ་སྟེ།། འཁོར་ལོ་རྩིབས་ནི་རྡོ་རྗེའི་རྭ།། ཤར་གྱི་ཚངས་ཐིག་ངོས་བཟུང་ནས།། ལྷོ་ནུབ་མཚམས་སུ་གདབ་པར་བྱ།། དེ་ལྟར་ཀུན་ཏུ
61b2 བསྐོར་བར་བྱ།། འཁོར་ལོ་རྩིབས་བརྒྱད་མཎྜལ་ལ།། ཨེ་ལ་བཅོམ་ལྡན་རྒྱལ་པོ་སྟེ།། གྲུ་གསུམ་ལ་ནི་ཕུར་པ་རྫས།། ཕྱོགས་བཞི་མཚམས་བཞི་ཁྲོ་བོ་བརྒྱད།། ཤར་ནས་བཟུང་སྟེ་མ་ནོར་བར།། འཁོར་ལོ་རྩིབས
61b3 བརྒྱད་དག་ལའོ།། གཡས་ཟུར་གཡོན་ཟུར་མདུན་རྒྱབ་ཏུ།། ཧཱུཾ་ཀཱ་ར་དང་སྟོབས་པོ་ཆེ།། ཕྲ་མེན་ཟུང་རེ་དེ་བཞིན་དགོད།། ལྷག་མའི་ཕྲ་མེན་བརྒྱད་པོ་ཡང་།། གོང་རས་དག་ལ་དེ་བཞིན་ནོ།། འཁོར་ལོ་ཁ་དོག་སོ་སོ
61b4 སྟེ།། རྣམ་པ་གསུམ་དུ་ཤེས་པར་བྱ།། ནག་པོ་དཀར་པོ་སེར་པོའོ།། གལ་ཏེ་སློབ་མར་དབང་བསྐུར་དང་།། གལ་ཏེ་ཚེ་ཡི་ཆོ་ག་དང་།། གལ་ཏེ་དངོས་གྲུབ་བསག་པ་ནི།། གྲུ་ཁྱད་ལྗང་གུ་དག་ལའོ།། ཕྱི་རྒྱབ་སྣམ་བུ
61b5 གང་ཡིན་ལ།། རོ་འམ་ཐིག་ལེ་གང་ཡང་རུང་།། ཕུར་བུའི་སྲུང་མའི་གདན་རྣམས་ཏེ།། སྤེལ་མ་ཉིད་དུ་ཡང་དག་དགོད།། རིགས་ལྔའི་ཕོ་བྲང་གདན་ཚོགས་ནི།། བན་དྷ་ལྔ་ལ་དབང་བསྐུར་ལ།། བར་སྣང་ཁམས་སུ
61b6 བཞུགས་སུ་གསོལ།། གལ་ཏེ་སློབ་མར་དབང་བསྐུར་ན།། ཨ་ཀ་རུ་དང་དུ་རུ་ཀ། དྲི་དང་སྨན་དང་མངར་དང་འབྲུ།། མར་དང་ཚྭ་རྣམས་བླུག་ལ་བཞག། བར་བར་ཚོགས་ཀྱི་འཁོར་ལོ་ནི།། བཟའ་དང་བཅའ་དང
iiif viewer powered by OpenSeadragon
