| e-texts navigator |
| Wylie |
61a1 ཀྱེ་ཀྱེ་བཅོམ་ལྡན་འདས་མགོན་གྱི་དཔལ།། གང་ཟག་བསམ་པའི་དབང་གིས་ན།། སྐུ་ཡི་དཀྱིལ་འཁོར་བསྟན་དུ་གསོལ།། ཞེས་གསོལ་ཏོ།། དེ་ནས་བཅོམ་ལྡན་འདས་ཀཱི་ལ་ཡ་ཆེན་པོ་དེས། དཀྱིལ
61a2 འཁོར་མངོན་པར་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་ཕྱག་རྒྱ་རྫོགས་པར་བཞེངས་ཏེ་བཀའ་སྩལ་ཏོ།། མ་མཐོང་རྨོངས་ལ་བསྟན་པའི་ཕྱིར།། དཀྱིལ་འཁོར་གཉིས་ཀྱི
61a3 དཔེས་མཚོན་ཏེ།། ས་འམ་སྟེགས་བུ་ཆེའམ་ཆུང་།། གནས་ཁང་དག་དང་སྦྱར་བར་བྱ།། ཇི་བཞིན་པ་ཡི་ཐིག་རྣམས་ཀྱིས།། འཁོར་ལོ་རྩིབས་བརྒྱད་དཀྱིལ་འཁོར་ལ།། དང་པོར་སྒྲོལ་བའི་དཀྱིལ་འཁོར་བྱ།། དེ་ནས
61a4 སྦྱོར་བའི་དཀྱིལ་འཁོར་བྱ།། དེ་ནས་གནན་པའི་དཀྱིལ་འཁོར་བྱ།། བློ་ཞན་ཤེས་རབ་ཆུང་བ་དང་།། མུ་སྟེགས་ཅན་ལ་ཡོངས་མི་བསྟན།། ཞེས་གསུངས་སོ།། དེ་ནས་ཆེད་དུ་བརྗོད་པ་འདི་ཆེད་དུ་བརྗོད་དོ།། ཡང
61a5 དག་ངེས་པའི་རྣལ་འབྱོར་པས།། གནས་དང་སློབ་དཔོན་བྱིན་གྱིས་བརླབ།། སློབ་དཔོན་རྫས་ཀྱང་བྱིན་གྱིས་བརླབ།། ཆག་ཆག་བྱི་དོར་ཁྲུས་ཀྱང་བྱ།། གནམ་ཐིག་གདབ་ལ་ས་ཐིག་གདབ།། ཀུན་གྱི་ཆ་རུ་མེ་རི
61a6 བཅད།། སོར་བཞི་བརྒྱད་དམ་བཅུ་གཉིས་སམ།། དཀྱིལ་འཁོར་ཚོད་དང་སྦྱར་ལ་བཅད།། ཐིག་རྐང་བདུན་ལ་ལིང་ཚེ་བརྒྱད།། སྣམ་བུ་གཉིས་ནི་ཕྱིར་འཐེན་ལ།། སྣམ་བུ་ནང་ལ་ཐིག་གསུམ་གདབ།། རེ་མིག་ཁོང
iiif viewer powered by OpenSeadragon
