| e-texts navigator |
| Wylie |
59b1 བཞིན་ཏེ།། ཕྱག་རྒྱ་བཞི་ཡི་རྒྱ་ཡིས་གདབ།། དབབ་པའི་སྔགས་དང་ཕྱག་རྒྱས་དབབ།། ཕྱག་རྒྱ་དྲུག་གིས་གཟེར་གནན་བྱ།། དེ་ལྟར་ངེས་པར་ཁུགས་པ་དང་།། རྩ་བའི་སྔགས་ལ་སྡེར་མོ་གདགས།། རྡོ་རྗེ་ཟོ་བའི
59b2 སྔགས་ཀྱིས་བསྡིག་ཁྲོ་བོ་བཅུ་ཡི་སྔགས་ཀྱིས་གདགས།། མཚོན་ཆའི་དཔལ་ནི་བསྐྱེད་པའི་ཕྱིར།། བྱུག་བདུག་བརྡེག་པ་ཡང་ཡང་བྱ།། ཕུང་པོ་ལྔ་ལ་བརྒྱ་རྩ་བརྒྱད། ཁམས་དང་སྐྱེ་མཆེད་དེ་བཞིན་ཏེ།། ཉིས་འགྱུར།
59b3 ཉིས་འགྱུར་གདབ་པར་བྱ།། གནས་གསུམ་བདག་ཏུ་གདབ་པ་ནི།། སྤྱི་བོ་སྙིང་ག་ལྟེ་བའོ།། དེ་ནས་གསོ་བའི་ཆོ་ག་བྱ།། ཚེ་ཡི་ཆོ་ག་རྫོགས་པ་དང་།། བསྡུ་བའི་སྔགས་ཀྱིས་བདག་ལ་བསྡུ།། ཤ་ཁྲག་ཕུང་པོ་ལྷག
59b4 རོལ་ལ།། མ་མོ་མཁའ་འགྲོ་རྦད་པར་བྱ།། དེ་ནས་གཟིར་མནན་ཟབ་མོ་བྱ།། མནན་པའི་སྔགས་དང་ཚིག་ཀྱང་བརྗོད།། དེ་ནས་གཏུབ་པའི་ལས་བྱ་སྟེ།། རྣོན་པའི་མཚོན་ནི་ཐོགས་ནས་སུ།། ཏཱིཀྵྞ་རྦད་ཀྱིས་གཏུབ
59b5 པར་བྱ།། དུམ་བུ་གསུམ་གྱིས་ལས་གསུམ་བྱ།། གནན་པའི་ཆོ་ག་བཞིན་དུ་བྱ།། ཨཱིཾ་ལཾ་ཧཱུཾ་ལཾ་སུཾ་ལཾ་པྲ་ཏི་སྟཾ་བྷ་ཡ། ཛམ་བྷ་ཡ། མོ་ཧ་ཡ། བཱ་ག་མ་ར་སུ་ཤ་ལཾ། དེ་ཡི་སྟེང་དུ་དོན་ཡོད་ནི།། གྲུབ་པའི་ཕོ་བྲང་གདབ
59b6 པར་བྱ།། དེ་ནས་སྦྱིན་བསྲེག་རབ་བྱས་ཏེ།། གཟས་པ་བསྒྲལ་བའི་དུམ་བུ་དེ།། ཕྱག་ཚངས་པ་ཡིས་དབུལ་བར་བྱ།། ཕྲིན་ལས་ཆེན་པོའི་ཆོ་ག་བྱ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས
iiif viewer powered by OpenSeadragon
