| e-texts navigator |
| Wylie |
58b1 སོགས་ཁྲག་འཐུང་ཚོགས།། མེ་ཏོག་ཚོམ་བུ་ལྔ་རུ་བྱ།། ཕུར་པ་རྣམས་ཀྱང་སོ་སོར་གཞག། དེ་ལ་ཞག་གཅིག་བསྙེན་པ་བྱ།། དེ་ནས་ནང་པར་མཎྜལ་བརྟུལ།། ཕུར་པ་རྣམས་ཀྱང་དེ་བཞིན་བརྟུལ།། ཞེས་བྱའོ།། དེ
58b2 ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས་སྟ་གོན་དེ་ལྟར་བྱས་བརྟུལ་ནས།། སྒྲུབ་པའི་རྫས་རྣམས་ཇི་ལྟར་བསག། མ་མོའི་རྫས་རྣམས་ཇི་ལྟར་བསག། ལིངྒའི་རྒྱུ་རྣམས་ཇི་ལྟར
58b3 བསག། དཀྱིལ་འཁོར་ཐིག་རྣམས་ཇི་ལྟར་གདབ།། ཅེས་གསོལ་ཏོ།། ཀྱེ་གསང་བའི་མགོན་པོ་ཉོན་ཅིག། ཕུར་པའི་རྫས་རྣམས་ངས་བཤད་ཀྱིས།། ཉུང་དཀར་གུ་གུལ་ཚིལ་ཆེན་དང་།། ཤ་ཆེན་ཁྲག་ཆེན་དུག་ཆེན
58b4 ཡིན།། བསྲེ་ཡི་ལྷ་མོའི་རྫས་རྣམས་ནི།། འོ་མ་ཁྲག་དང་མར་ཁུ་དང་།། སྦྲང་རྩི་དང་ནི་ཆང་རྣམས་སོ།། དེ་བཞིན་ཤྲ་ན་མུ་ཁའི་ཡང་། ཁྱི་ཐོད་ཝ་ཐོད་སྤྱང་ཐོད་དང་།། འཕར་བའི་ཐོད་པ་དེ་བཞིན་ཏེ།། དེ་ཡི་ནང་དུ
58b5 རྫས་བསགས་པ། ཁྲག་སྣ་སྟོང་དང་ཤ་སྣ་སྟོང་།། སྙིང་སྣ་སྟོང་དང་རྐང་སྣ་སྟོང་།། ཤྭ་ན་ལ་སོགས་རྫས་སུ་གཞག། རེ་མ་ཏི་ཡི་རྫས་རྣམས་ཀྱང་།། ནལ་བུའི་ཤ་ལ་སོགས་པ་སྟེ།། དུ་མ་ཉིད་དུ་བསགས་པར
58b6 བྱ།། རྐང་ཆེན་དུང་དང་ཞིང་ཆེན་དང་།། བྷནྣ་རཀྟ་ཙིཏྟ་དང་།། མཚོན་ཆ་དྲུག་ཀྱང་བསགས་པར་བྱ།། ལིངྒའི་རྒྱུད་རྣམས་བསག་པར་བྱ།། ཕྱི་དང་ནང་གི་རྒྱུ་ལས་བྱ།། དེ་ནས་མཎྜལ་ཐིག་ཀྱང་གདབ།། ཐིག་བཞི
iiif viewer powered by OpenSeadragon
