| e-texts navigator |
| Wylie |
58a1 བ་ནི།། མགོ་བོ་རྒྱ་མདུད་འདུག་པ་ལས།། སྒྲ་ནི་ཁམ་པར་བཙལ་བར་བྱ།། རོ་སྟོད་ཟུར་བརྒྱད་འདུག་པ་ལ།། རོ་སྨད་ཟུར་གསུམ་འདུག་པ་བཙལ།། རྣལ་འབྱོར་འཇུག་པའི་དུས་ཚོད་ནི།། ཕུར་བུ
58a2 མིག་དམར་རྒྱུ་བ་ཡི།། དུས་སུ་བྱ་བར་ཤིན་ཏུ་བཟང་།། དེ་ལྟ་བུ་ཡི་གནས་ཉིད་དུ།། རྫས་ཚོགས་དགྲ་རྣམས་མེད་པར་བྱ།། ཉི་མ་དམར་ཐག་ཆད་པ་ལ།། སྔགས་གཡོག་མཚན་དང་ལྡན་པ་ལ།། ཞིང་ཆུང་བླུད་བུ
58a3 ལག་ཏུ་བསྐུར། ཁ་ནི་ཕྱོགས་བཞིར་བལྟས་ནས་སུ།། འཇིག་རྟེན་ས་ལ་གཡབ་མོས་གདབ།། རྔན་པར་ཆང་ཕུད་བཏང་ནས་ཀྱང་།། མ་ཉེས་པ་ཡི་དཔང་ཡང་གཟུག། དེ་ནས་ནང་དུ་སླར་ལོག་སྟེ།། བཅུ་གཉིས་སྲུང
58a4 མའི་དབང་མོ་ལ།། ཨརྒྷ་བདུད་རྩིར་བཅས་པ་དབུལ།། ཕྲིན་ལས་རྣམས་ཀྱང་དེ་བཞིན་བཅོལ།། ཞེས་གསུངས་སོ།། དེ་ནས་བཅོམ་ལྡན་འདས་ཀཱི་ལ་ཡ་ལ། གསང་བའི་བདག་པོས་འདི་སྐད་ཅེས་གསོལ་བ་བཏབ
58a5 བོ།། ཀྱེ་གནས་རྣམས་གང་ཡིན་དེ་རྣམས་སུ།། མཎྜལ་ལ་སོགས་ཇི་ལྟར་བརྩིགས།། སྐྱང་ནུལ་ཆག་ཆག་ཇི་ལྟར་གདབ།། སྟ་གོན་ཆོ་ག་ཇི་ལྟར་བྱ།། རྫས་ཀྱི་ཕུར་པ་ཇི་ལྟར་བཤམ།། ཞེས་གསོལ་ཏོ།། བཀའ་སྩལ་པ།།
58a6 རྣལ་འབྱོར་ལྷ་དང་ཕོ་བྲང་གནས།། མཎྜལ་ཁྲུ་གང་གྲུ་བཞིར་བརྩིག། བ་ཡི་ལྔ་དང་གུར་གུམ་ཆུ།། བུ་རམ་ཆུ་དང་སྤོས་བསྲེས་ལ།། བྱི་དོར་ཆག་ཆག་ལེགས་པར་བྱ།། དེ་ལ་ཐིག་ལེ་མང་བྱས་ལ།། རིགས་ལྔ་ལ
iiif viewer powered by OpenSeadragon
