| e-texts navigator |
| Wylie |
57b1 འཕང་སྨོད།། ཉམས་པ་དེ་ཡི་དོན་དུ་ནི།། དེ་ཕྱིར་དགྲ་བོ་དམིགས་ཀྱི་ཕྱེད།། དེ་ཡི་མན་ངག་འདི་ཡིན་པས།། སྔགས་པ་ཚད་དུ་ཕྱིན་པ་ཡིས།། ལྕགས་སྣ་ལྔ་ལས་བྱས་པ་ཡི།། མངག་ཕུར་སོར་ནི་བརྒྱད་པ
57b2 ལ།། དཔལ་ནི་ཆུ་སྲིན་ཁ་ནས་ཕྱུང་།། རྒྱ་མདུད་སྤྱི་བོར་ཧཱུཾ་ཀ་ར།། ལྡུམ་གཞོག་བརྒྱད་ལ་ཁྲོ་བོ་བརྒྱད།། རྒྱ་མདུད་འོག་མའི་དབུ་འོག་ཏུ།། མ་ཧཱ་པ་ལ་ཞལ་ཡང་ལྔ།། ཟུར་གསུམ་དཔལ་ནི་དམར་ལ་འཚེར།། དེ་ལྟ་བུ
57b3 ཡི་མངག་ཕུར་ནི།། སྔགས་པས་དུས་གསུམ་བཅང་བར་བྱ།། འགྲེང་ངམ་འདུག་གམ་ཉལ་ཀྱང་རུང་།། འགྲེང་ངམ་འདུག་ན་སྐེད་པར་སྦ།། ཉལ་ནས་འདུག་ན་སྔས་སུ་སྦ།། དེ་ལ་རྒྱུན་གྱི་བཟླས་བརྗོད་བྱ།། འཕྲོ
57b4 འདུའི་སྔགས་ཀྱང་དེ་བཞིན་བསྟིམ།། མེ་ལྟར་འབར་ཞིང་སྐར་ལྟར་འཁྲུགས།། ཕ་རོལ་བྱེད་སྟེམས་དེ་ལྟར་མཐོང་།། ཞེས་གསུངས་སོ།། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། རྣལ་འབྱོར་ཚད་དུ
57b5 ཕྱིན་པ་ཡིས།། གནས་ནི་གང་དང་གང་དུ་བྱ།། བསྒྲུབ་པའི་གྲོགས་པོ་ཇི་ལྟར་བྱ།། དུས་ཚོད་གང་ལ་ཞུགས་པར་བགྱི།། འཇིག་རྟེན་རྔན་པ་ཇི་ལྟར་འཚལ།། ཀཱི་ལ་ཡ་ཡིས་བཀའ་སྩལ་པ།། ཉོན་གཅིག་རིགས་ཀྱི
57b6 མགོན་པོ་ཁྱོད།། རྣལ་འབྱོར་བསྒྲུབ་པའི་གནས་རྣམས་ནི།། ཡང་ན་རི་རྩེ་བྲག་ལ་བྱ།། ཡང་ན་ནགས་ཚལ་དགོན་པར་བྱ།། ཡང་ན་སྤང་ཕུག་དེའུ་བར་བྱ།། ཡང་ན་མི་མེད་གནས་སུ་བྱ།། སྒྲུབ་པའི་གྲོགས་པོ་བཙལ
iiif viewer powered by OpenSeadragon
