| e-texts navigator |
| Wylie |
57a1 བྷ་ག་ཝཱན། བུདྡྷ་ཀྵེ་ཏྲི་པྲ་ཏི་སྟཾ་བྷ་ཀ་ཡ་ཧཱུཾ་ཕཊ། སྔགས་དང་ཕྱག་རྒྱ་དེ་ཡིས་ནི།། ལྷ་མོ་རྣམས་ནི་གཟིར་བར་བྱ།། སྔགས་དང་ཕྱག་རྒྱ་དེ་རྣམས་དང་།། དཔའ་བོ་རྣམས་ཀྱིས་བསམ་པ་ནི།། མ་མོའི
57a2 ཤི་ས་བསྟན་པའོ།། དེ་ནས་ཡང་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ།། འཇིག་རྟེན་མ་མོས་འཇིག་རྟེན་བཀང་།། ཤ་དང་ཁྲག་ལ་དབང་ཡང་བྱས།། སེམས་ཅན་ཉོན་མོངས་ཕོངས་པ
57a3 ལ།། སྤྲུལ་པ་དོན་མཛད་དེ་བཞིན་ནོ།། ཞེས་བརྗོད་དོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་ལས། མ་མོ་དབང་དུ་བསྡུ་བ་རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་སྲུང་མ་ཐེམས་ཀྱི
57a4 ལེའུ་སྟེ་གཉིས་པའོ།། །། དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་འདི་སྐད་ཞུས་སོ།། ཀྱེ་བཅོམ་ལྡན་འདས་ཀཱི་ལ་ཡ་ཆེན་པོ། མང་པོ་ཉུང་ངུ་བསྡུ་བའི་ཐབས།། རྣལ་འབྱོར་གཅིག་ཏུ་འདུག་པ
57a5 ལ།། ལྷ་ཡི་བྱེ་བྲག་བསྡུ་བའི་ཐབས།། དཔའ་བོ་ཉིད་ཀྱིས་བཤད་དུ་གསོལ།། ཞེས་ཞུས་སོ།། བཀའ་སྩལ་པ། ཉོན་ཅིག་རིགས་ཀྱི་མགོན་པོ་ཁྱོད།། ཤིན་ཏུ་རྣལ་འབྱོར་བྱེད་འདོད་ཅིང་།། བསྟན་པ་གཉེན་པོ་སྲུང
57a6 བྱེད་པས།། དམ་ཚིག་རྩ་བ་མ་ཉམས་ཤིང་།། བརྩོན་འགྲུས་ཆེ་ལ་དད་པ་ཡོད།། དེ་ལ་གཅིག་པུའི་སྒྲུབ་པ་བསྟན།། སྒྲུབ་ལས་ལྡོག་བྱེད་ནང་དབྱིན་བྱེད།། དམ་ཚིག་རྩ་བ་གང་ཡང་མེད།། ནང་དམེ་བྱེད་ཅིང་དབུ
iiif viewer powered by OpenSeadragon
