| e-texts navigator |
| Wylie |
56a1 གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་གསུངས་སོ།། འཇིག་རྟེན་མ་རུངས་པ་མཆིས་ཏེ། དེ་ནས་སེམས་ཅན་ཐམས་ཅད་ལ་སྲོག་འཕྲོག་པ་དང་།
56a2 མདངས་འཕྲོག་པ་དང་། ཉམས་པར་བྱེད་པ་དང་། ཤ་ཟ་བ་དང་། ཁྲག་འཐུང་བ་དང་། འཚེ་བ་མཆིས་ཏེ། དེའི་དོན་དུ་ལག་ན་རྡོ་རྗེ་གསང་བའི་བདག་པོ་ལ་སོགས་པ་རིགས་གསུམ་གྱི་མགོན་པོ་ཁྱེད་ནི། མཐུ་ཆེ་བ
56a3 དང་། སྙིང་རྗེ་ཆེ་བ་དང་། ཤེས་རབ་ཆེ་བ་ཡིན་པས་དོན་བྱ་བར་བྱོས་ཤིག། ཅེས་བཀའ་སྩལ་ཏོ།། དེ་ནས་གསང་བའི་བདག་པོ་ལ་སོགས་པས་འདི་སྐད་ཅེས་གསོལ་ཏོ།། ཀྱེ་མ་ཧོ་རྗེ་བཙུན་བཀའ་སྩལ་ན།། མི
56a4 མཇེད་ཁམས་ཀྱི་དོན་བགྱིད་དེ།། སྐུ་གསུང་ཐུགས་ཀྱི་ཕྱག་རྒྱ་ཡིས།། བདག་ཅག་རྣམས་ནི་བྱིན་གྱིས་རློབ།། གསང་བའི་བདག་པོས་ཞབས་ལ་སྤྱི་བོས་གཏུགས་སོ།། དེ་ནས་བྱིན་གྱིས་བརླབས་ཏེ། ཨོཾ་སརྦ་ཏ་ཐཱ་ག
56a5 ཏ་ཙིཏྟ་བཛྲ་སྭ་བྷ་ཝ་ཨཱཏྨ་ཀོ&ཧ། ཨོཾ་སརྦ་ཏ་ཐཱ་ག་ཏ་ཝཱཀྐ་བཛྲ་སྭ་ཝ་ཨཱཏྨ་ཀོ&ཧཾ། ཨཱཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭབྷཱ་ཝ་ཨཱཏྨ་ཀོ&ཧཾ། ཞེས་བྱིན་གྱིས་བརླབས་སོ།། བརླབས་མ་ཐག་ཏུ། མི་མཇེད་སྤྲུལ་པ་བཀྱེ་བ་ནི།
56a6 ཤྭ་ན་མུ་ཁའི་སྤྲུལ་པ་ལ་སོགས་པ་དང་། རྡོ་རྗེ་ཡ་བྱིན་ལ་སོགས་པ་གསུང་གི་སྤྲུལ་པ་དང་། ཐུགས་ཀྱི་སྤྲུལ་པ་དུས་བཞིའི་རྒྱལ་མོ་སྟེ། བཞི་ཚན་གསུམ་གྱིས་སྲོག་གི་སྙིང་པོ་ཕུལ་བ་ནི། བྷྱོ་བྷྱོ་བྷྱོ་བྷྱོ། མ་མོ་ཀུན་གྱིས
iiif viewer powered by OpenSeadragon
