| e-texts navigator |
| Wylie |
55b1 བའི་རྒྱལ་པོ་འབྱུང་བ་ལ་ཡང་རྒྱུ་འཚལ་ལོ།། རྐྱེན་འཚལ་ལོ།། འབྲས་བུ་འཚལ་ལོ།། དཔེར་ན་འཇིག་རྟེན་ན་ལོ་ཏོག་དང་། འབྲུ་བཅུད་འཁྲུངས་པ་ལ་ཡང་རྒྱུ་འཚལ་ལོ།། རྐྱེན་འཚལ་ལོ།། འབྲས་བུ་འཚལ་ལོ།། དེ
55b2 བཞིན་དུ་བདག་འཛུམ་པ་ལ་ཡང་། རྒྱུ་མ་མཆིས་པ་མ་ལགས། རྐྱེན་མ་མཆིས་པ་མ་ལགས། འབྲས་བུ་མ་འཆིས་པ་མ་ལགས་སོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
55b3 ཏོ།། བཅོམ་ལྡན་འདས་འཇིག་རྟེན་དུ་སངས་རྒྱས་འབྱུང་བའི་རྒྱུ་ཅི་ལགས། དེ་བཞིན་དུ་མེ་ཏོག་ཨུ་དུམ་ཝ་ར་འབྱུང་བའི་རྒྱུ་ཅི་ལགས། འཁོར་ལོས་སྒྱུར་བ་འབྱུང་བའི་རྒྱུ་ཅི་ལགས། དེ་བཞིན་ལོ་ཏོག་དང་འབྲས་བུ
55b4 འབྱུང་བའི་རྒྱུ་ཅི་ལགས། ཞེས་གསོལ་པ་དང་།། བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་དུ་སེམས་ཅན་སངས་རྒྱས་སུ་བགྱི་བའི་རྒྱུ་ཅི་མཆིས། རྐྱེན་ཅི་མཆིས། འབྲས་བུ་ཅི་མཆིས། འཇིག་རྟེན་དུ་སྟོན་པ
55b5 འབྱུང་བས། ཨུ་དུམ་ཝ་ར་འབྱུང་བའི་རྒྱུ་མཆིས་སོ།། རྐྱེན་མཆིས་སོ།། འབྲས་བུ་མཆིས་སོ།། འཇིག་རྟེན་དུ་ཞིང་པའི་ལས་སོ་ནམ་མཆིས་ན། འབྲས་བུ་རྩི་བཅུད་འཁྲུངས་པ་ལ་རྒྱུ་མཆིས་སོ།། རྐྱེན་མཆིས
55b6 སོ།། འབྲས་བུ་མཆིས་སོ།། ཞེས་གསུངས་ནས་འཁོར་རྣམས་ལ་གཟིགས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་གསང་བ། འཇིག་རྟེན་སྣང་བར་བྱེད་པའི་རྒྱུད་ལས། གླེང
iiif viewer powered by OpenSeadragon
