| e-texts navigator |
| Wylie |
55a1 ཡ་ཆེན་པོར་གྱུར་ཏོ།། དེ་ནས་གསང་བའི་བདག་པོ་ལ་ཐུགས་ཀྱི་སྒོ་ནས་གདམས། སྤྱན་རས་གཟིགས་ལ་གསུང་གི་སྒོ་ནས་བཤད། འཇམ་དཔལ་ལ་སྐུའི་སྒོ་ནས་གཟིགས་པའོ།། གཞན་ཡང
55a2 འཁོར་ཐམས་ཅད་ལ་གཟིགས་པ་ཡང་མཛད། བཞད་པ་ཡང་མཛད། གླང་པོ་ཆེའི་ཀོ་རློན་ལས་ཀྱང་འོད་བྱུང་། དེ་བཞིན་དུ་སྟག་གི་ཤམ་བུ་ལ་སོགས་པ་ལས་ཀྱང་འོད་བྱུང་བས། འཁོར་རྣམས་དགྱེས་པར་སོང
55a3 ངོ་།། དེ་ནས་བྱང་ཆུབ་སེམས་དཔའ་གསང་བའི་བདག་པོས་གསོལ་པ། དེ་བཞིན་གཤེགས་པ་ཐམས་ཅད་ནི་རྒྱུ་མ་མཆིས་པར་འཛུམ་པ་ཡང་མི་མཛད། གཟིགས་པ་ཡང་མི་མཛད། བཞད་པ་ཡང་མི་མཛད་ན།།
55a4 བཅོམ་ལྡན་འདས་རྒྱུ་ཅི་ལགས། འབྲས་བུ་ཅི་ལགས། རྐྱེན་གང་ལགས། ཁྲོ་བོའི་རྒྱལ་པོས་བཤད་དུ་གསོལ།། བདེ་བར་གཤེགས་པས་བཤད་དུ་གསོལ།། ཞེས་གསོལ་པས། བཅོམ་ལྡན་འདས་དཔལ་ཀི་ལ་ཡའི
55a5 རྒྱལ་པོས་བཀའ་སྩལ་པ། དེའི་དུས་ལ་བབ་ན་ཉན་པར་བྱོས་ཤིག། ངས་འཁོར་ཐམས་ཅད་དང་། ཁྱོད་ལ་ཡང་མ་འོངས་པའི་དོན་དུ་བཤད་ཀྱིས། དཔེར་ན་འཇིགས་རྟེན་དུ་སངས་རྒྱས་འབྱུང་བ་ཡང་རྒྱུ་འཚལ
55a6 ལོ།། རྐྱེན་འཚལ་ལོ།། འབྲས་བུ་འཚལ་ལོ།། དཔེར་ན་རྒྱ་མཚོ་ཆེན་པོར་མེ་ཏོག་ཨུ་དུམ་ཝ་ར་འཁྲུངས་པ་ལ་ཡང་རྒྱུ་འཚལ་ལོ།། རྐྱེན་འཚལ་ལོ།། འབྲས་བུ་འཚལ་ལོ།། དཔེར་ན་འཇིག་རྟེན་དུ་འཁོར་ལོས་སྒྱུ།
iiif viewer powered by OpenSeadragon
