| e-texts navigator |
| Wylie |
54b1 དབང་ཕྱུག་མ་རྣམས་དང་། ཕྱག་ན་རྡོ་རྗེ་དང་། འཇམ་དཔལ་དང་། སྤྱན་རས་གཟིགས་ལ་སོགས་ཏེ། འབྲས་བུའི་བྱང་ཆུབ་སེམས་དཔའ་རྣམས་དང་། གཞན་ཡང་ས་དང་ལམ་ལ་གནས་པའི་ལྷ་དང་། ཀླུ་དང་།
54b2 མ་མཁའ་ལྡིང་དང་མིའམ་ཅི་ལ་སོགས་པ། ལྷ་མ་སྲིན་སྡེ་བརྒྱད་དང་། འཁོར་གྱི་བྱང་ཆུབ་སེམས་དཔའ་རྣམས་དང་། ཁྲོ་བོ་བསམ་གྱིས་མི་ཁྱབ་པའི་གནས། བྷ་ག་ཡངས་པའི་དུར་ཁྲོད་བསམ་གྱིས་མི་ཁྱབ་པའི
54b3 གཞལ་ཡས་ཁང་། དུར་ཁྲོད་ལས་བྱས་པའི་གནས་ན། ཉེ་བའི་འཁོར་རྣམས་དང་ཐབས་ཅིག་ཏུ་བཞུགས་སོ།། དེ་ནས་སྟག་དང་ཁྱི་དང་སྦྱང་ཀི་ལ་སོགས་པའི་གཅན་གཟན་གདུག་པ་གཅན་དང་། ཁྲ་དང་དུར་བྱ་ལ
54b4 སོགས་པའི་དུར་ཁྲོད་ཀྱི་བྱ་མང་པོ་ཡང་འདུས་སོ།། འདུ་བར་ཡང་འགྱུར་རོ།། སྐུ་དང་གསུང་དང་ཐུགས་རྣམས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས་མནལ་ཏོ།། དེ་ལ་འཁོར་རྣམས་ཀྱིས་ཞུས་པ། ཀྱེ་ཨེ་མ
54b5 ཧོ།། སངས་རྒྱས་འདྲ་བའི་སྟོན་པ་ནི།། གུད་ན་ཡོད་པ་མ་ཡིན་ཏེ།། ཡེ་སངས་རྒྱས་པ་མངོན་ནས་བཞུགས།། བྱིན་རླབས་ཡ་མཚན་བསྟན་དུ་གསོལ།། བྱང་ཆུབ་སེམས་ནི་བསྐྱེད་པའི་ཕྱིར།། རྒྱུ་ལ་གནས་པའི་སྨོན
54b6 མ་གདབ།། ཕྲིན་ལས་རྣམ་བཞིས་དོན་བྱས་ཏེ།། བསོད་ནམས་ཕུང་པོའི་སྐུ་ཡང་འབྱུང་། ཨེ་བཾ་མཱ་ཡཱ། དེ་ལས་ཐུགས་ཡང་དག་པའི་ཡེ་ཤེས་ལས་དབུ་དང་ཕྱག་དང་ཞབས་ལ་སོགས་པའི་སྐུ་མཐའ་ཡས་པའི་ཀཱི་ལ
iiif viewer powered by OpenSeadragon
