| e-texts navigator |
| Wylie |
54a1 རྗེ་བརྩོན་འགྲུས་ལྡན།། བླ་མ་ལ་གུས་དང་ལྡན་བརྩོན་འགྲུས་ཆེ།། སྙིང་རྗེ་དང་ལྡན་ལྟ་བ་རང་ལ་རྫོགས།། ཝ་དང་སེང་གེ་ལྟ་བུར་གཅིག་པུར་གནས།། དེ་ལས་ལྡོག་ལ་རྒྱུད་དོན་རབ་ཏུ
54a2 གསང་།། ཡོན་ཏན་ཀུན་ལྡན་རྒྱུད་འདི་རབ་ཏུ་གསང་།། ཞེས་གསུངས་པས་འཁོར་རྣམས་རབ་ཏུ་ཡི་རང་སྟེ། དགའ་བས་བཅོམ་ལྡན་འདས་ལ་བསྟོད་དེ། གསུངས་པ་ལ་མངོན་པར་རབ་ཏུ་བསྟོད་དོ།། རྡོ་རྗེ་ཕུར་པ
54a3 མེ་ལོང་གསལ་བའི་སྤུ་གྲི་རེག་གཅོད་འཁོར་ལོའི་རྩིབས་རྒྱུད་ལས། ཡོངས་སུ་གཏད་པའི་ལེའུ་སྟེ་བདུན་པའོ།། །། ཕུར་པ་མེ་ལོང་གསང་བའི་སྤུ་གྲི་རེག་གཅོད་འཁོར་ལོ་རྩིབས་རྒྱུད་ཆེན་པོ་རྫོགས་སོ།། །
54a4 རྒྱ་གར་སྐད་དུ། ཤྲཱི་ལོ་ཀ་དཱི་པ་ནཱ་མ་ཏནྟྲ་རཱ་ཛ། བོད་སྐད་དུ། རྒྱུད་ཀྱི་རྒྱལ་པོ་དཔལ་འཇིག་རྟེན་སྣང་བྱེད་ཅེས་བྱ་བ། དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།
54a5 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་འཁྱེན་པའི་ཡེ་ཤེས་མངའ་བ་དེ། ཁྲོས་པའི་རྒྱལ་པོ་དཔལ་ཀི་ལ་ཡར་བཞུགས་ནས། བཛྲ་ཧེ་རུ་ཀ་ལ་སོགས་པ་རིགས་ཀྱི་ཁྲོ་བོ
54a6 དང་། བཛྲ་ཀྲོ་དྷི་ལ་སོགས་པ་རིགས་ཀྱི་ཁྲོ་མོ་རྣམས་དང་། ཧཱུཾ་མཛད་ལ་སོགས་པ་རྒྱན་གྱི་ཁྲོ་བོ་རྣམས་དང་། དེ་རྣམས་ཀྱི་ཡུམ་དང་། ཕྲ་མེན་ཕོ་མོ་དང་། སྒོ་བ་རྣམས་དང་། གོའུ་རཱི་བརྒྱད་དང་། སིདྷ་བརྒྱད་དང་།
iiif viewer powered by OpenSeadragon
