| e-texts navigator |
| Wylie |
53b1 ན།། གང་བསྒྲུབ་ལས་ཀྱི་འབྲས་བུ་མྱུར་བར་ངེས།། རྡོ་རྗེ་ཕུར་པ་མེ་ལོང་གསང་བའི་སྤུ་གྲི་རེག་གཅོད་འཁོར་ལོའི་རྩིབས་རྒྱུད་ལས། དྲག་སྔགས་ཀྱི་སྡོམ་གྱི་ལེའུ་སྟེ་ལྔ་པའོ།། །། དེ་ནས་གསང་བ་སྤྱི་གནད
53b2 དགྲོལ་བཤད་བྱ།། གསང་བ་སྐུ་བསྒྲུབ་དྲག་པོ་བསྟན་པ་དང་།། གསང་བ་གསུང་བསྒྲུབ་དྲག་པོ་བསྟན་པ་དང་།། གསང་བ་ཐུགས་བསྒྲུབ་དྲག་པོ་བསྟན་པ་དང་།། འཁྲུལ་འཁོར་ལས་དང་དྲག་པོ་སྔགས་བསྒྲུབ།
53b3 དང་།། རྣལ་མ་དགུག་དང་དྲག་སྔགས་བཟློག་པ་དང་།། བསེ་བྱང་སྔགས་དྲུག་ཕོ་མོ་མཐའ་བརྟུལ་བཅས།། བསེ་བྱང་རབ་འབྲིང་ཐ་མའི་སྔགས་རྣམས་དང་།། དབབ་དང་སྦལ་པ་མཛེ་ནད་འཁོར་ལོ་དང་།། མཛེ
53b4 བསྲུང་སེར་བ་གཅོད་དང་གཏེར་བསྒྲུབ་དང་།། ལས་རྣམས་གང་བསྟན་བསྡུ་ན་གཉིས་སུ་འདུ།། ཐུན་མོང་ལས་དང་མཆོག་དང་མཐའ་རུ་དབྱུང་།། འདིར་ནི་སྡོམ་དང་མན་ངག་གསང་བ་འདུས།། ལས་གཞན་ཐུན
53b5 མོང་རྒྱུད་རྣམས་ཀུན་ན་གསལ།། བལྟ་སྤྱོད་དཀྱིལ་འཁོར་དབང་དང་དམ་ཚིག་དང་།། སྒྲུབ་པ་ཕྲིན་ལས་རིམ་པ་གསང་བ་དང་།། ས་དང་ལམ་རྣམས་འདིར་ནི་རྒྱས་མ་བཤད།། དེ་དག་ཐུན་མོང་རྒྱུད་དུ་ཤེས་པར
53b6 བྱ།། རྡོ་རྗེ་ཕུར་པ་མེ་ལོང་གསལ་བ་སྤུ་གྲི་རེག་གཅོད་འཁོར་ལོ་རྩིབས་རྒྱུད་ལས། མན་ངག་སྤྱི་བཤད་སྡོམ་གྱི་ལེའུ་སྟེ་དྲུག་པའོ།། །། དེ་ནས་རྒྱུད་འདི་བཟུང་བྱས་སྦ་བ་སྟེ།། དད་དང་ཤེས་རབ་སྙིང
iiif viewer powered by OpenSeadragon
