| e-texts navigator |
| Wylie |
51a1 རྣམས་དང་ཡང་ཐབས་ཅིག་ཏུ་བཞུགས་སོ།། ཐུན་མོང་དུ་གྱུར་པའི་རྒྱུད་རྣམས་ཀྱང་བཤད་ཅིང་གསལ་བར་སྤྲོས་སོ།། དེ་ནས་མ་འོངས་པའི་གདུལ་བྱ་རྣམས་གདུལ་བའི་ཕྱིར། རྡོ་རྗེ་ཁྲོ་བོ་སྟོབས་པོ
51a2 ཆེས། བཅོམ་ལྡན་འདས་ལ་གསང་བའི་མཆོད་བསྟོད་བྱས་ནས། འདི་སྐད་ཅེས་གསོལ་ཏོ།། ཀྱེ་མ་བདེར་གཤེགས་བཅོམ་ལྡན་འདས།། མ་འོངས་སེམས་ཅན་དོན་ཕྱིར་དུ།། གདུག་པ་དྲག་པོའི་གདུལ་བྱ
51a3 ལ།། དྲག་ཤུལ་ཐབས་ཀྱིས་འདུལ་ཐབས་གསུངས།། ལྔ་བརྒྱ་ཐ་མའི་སེམས་ཅན་རྣམས།། གཅིག་ལ་གཅིག་སྨོད་དྲག་སྔགས་འགྲན།། ཡང་དག་ཆོས་བོར་ལོག་ཆོས་སྒྲུབ།། དེ་ཚེ་ཆོས་ཀྱི་མེ་ལོང་གང་།། སྤུ་གྲིའི
51a4 འཁོར་ལོ་ཇི་ལྟར་བསྐོར།། རེག་གཅོད་དྲག་སྔགས་ཇི་ལྟར་ལགས།། སེམས་ཅན་དོན་ཕྱིར་བཤད་དུ་གསོལ།། ཞེས་ཞུས་པས། བཅོམ་ལྡན་འདས་ཀྱིས་གདུག་པ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས།།
51a5 ཡི་གེ་འཁོར་ལོའི་ཚོགས་སྤྲོས་པས། འཇིག་རྟེན་ཤིན་ཏུ་གཡོ་ཞིང་འགུལ་ལྡེགས་པར་གྱུར་ནས། དྲེགས་པ་ཅན་རྣམས་ཤིན་ཏུ་བརྒྱལ་ནས་གནས་པ་རྣམས་དབུགས་ཕྱུང་སྟེ་གནས་པ་ལ། སོ་སོའི་འཁོར་ལོ་དང་།
51a6 དྲག་སྔགས་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་རྒྱུད་ལས། གླེང་གཞི་གླེང་བསླང་བ་དང་། གསང་བའི་འཁོར་ལོ་ཞུས་པའི
iiif viewer powered by OpenSeadragon
