| e-texts navigator |
| Wylie |
50b1 ཁྱོད་ལ་བསྟོད།། ཅེས་གསོལ་པས། དེ་ནས་ཁྲག་འཐུང་གི་རྒྱལ་པོས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ།། ཁྱོད་ནི་བཅོམ་ལྡན་ང་དང་འདྲ། ཁྱོད་ནི་ཁྲག་འཐུང་ང་དང་མཉམ།། སེམས་ཅན་ཀུན་ལ་ཕན་བྱེད
50b2 ཡིན། ཁམས་གསུམ་སྙོམས་པའི་ཕ་མ་ཡིན།། ཞེས་གསུངས་སོ།། དེ་ནས་འཁོར་རྣམས་དགེས་ནས་སྐུ་གསུང་ཐུགས་ལ་བཏུད་དོ།། དེ་ནས་ཁྲག་འཐུང་གི་རྒྱལ་པོས་འདི་སྐད་ཅེས་བཀའ་སྩལ་ཏོ།། ང་ནི་མཉམ་པའི
50b3 ངང་ལ་འཇོག། དེ་ཚེ་གསུང་པའི་ལུང་ཆེན་ཡང་།། རྒྱལ་པོ་ཛ་ཞེས་ཁང་སྟེངས་སུ།། གསང་སྔགས་རྒྱུད་རྣམས་འབྱུང་འགྱུར་གྱི།། ཤཱཀྱ་ཐུབ་པའི་བསྟན་པ་ལ།། དབུས་འགྱུར་ཚལ་དུ་དར་བར་འགྱུར། ཁྲོ་བོ་སྟོབས་པོ
50b4 ཆེའི་རྒྱུད་ལས། རྒུད་ཡོངས་སུ་གཏད་པའི་ལེའུ་སྟེ་ལྔ་པའོ།། ། ཁྲོ་བོ་སྟོབས་པོ་ཆེའི་རྒྱུད་ཁྲོ་བཅུ་རོལ་པའི་རྒྱུད་ཆེན་པོ་རྫོགས་སོ།། །།
50b5 རྒྱ་གར་སྐད་དུ། བཛྲ་ཀཱི་ལ་ཡ་མ་ཀུ་ར་དཱི་པྲ་ཀྵར་སྥཪྴ་ཙྪེད་ན་ཙཀྲཱཉྫར་ཏནྟྲ། བོད་སྐད་དུ། དཔལ་རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་གཅོད་འཁོར་ལོ་རྩིབས་ཀྱི་རྒྱུད། དཔལ་རྡོ་རྗེ་གཞོན་ནུ་ལ་ཕྱག
50b6 འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འོག་མིན་གསང་བའི་བྷ་ག་ན་བཞུགས་སོ།། ཉིད་ལས་མི་གཞན་པའི་འཁོར་ཁྲོ་བོ་དང་ཁྲོ་མོ་རྣམས་དང་གདུལ་བྱ་དྲག་པོའི་ཁྲོ་བོ
iiif viewer powered by OpenSeadragon
