| e-texts navigator |
| Wylie |
50a1 སུ་གནན་པར་བྱའོ།། དེ་རྣམས་གང་བྱེད་ཐོད་པ་རུ།། འཁོར་ལོ་རྩིབས་དྲུག་ཁྲིས་པ་ལ།། དབུས་སུ་ནརྀ་དང་ཏྲི་བྲིའོ།། དགྲ་ལ་བྱེད་ན་ནརྀ་ཡང་བྲི།། རྩིབས་དྲུག་ལ་ཡང་སྔགས་དྲུག་བྲི།། མཐའ་མ་ཁྲོ
50a2 བཅུའི་སྔགས་ཀྱིས་བསྐོར།། དབུས་ཀྱི་ལྟེ་བར་གཟུགས་བྲིས་ལ།། སྙིང་གར་རུས་ལ་དཔྲལ་བར་མིང་།། ཡན་ལག་བཞི་ལ་ཡིག་འབྲུ་བཞི།། མཱ་ར་ཡ་ཡིས་མཐའ་མ་བསྐོར།། ཤོག་བུ་ལ་ཡང་དེ་བཞིན་བྲིའོ།། སྔོན
50a3 དམར་དཀྲི་ཞིང་རེ་བས་གཏུམ།། བསྙེན་བསྒྲུབ་གདབ་ལས་ཚུལ་བཞིན་བྱ།། ཟོར་དང་ཧོམ་དང་མནན་པ་དང་།། ཐ་མས་ལས་སུ་གྲུབ་པ་ཡིན།། གང་དུ་བྱེད་པར་གྲུ་གསུམ་བྲི།། ཨེ་ཡི་ཚོགས་ཀྱིས་གཞལ་ཡས
50a4 བསྐྱེད།། སྟོབས་པོ་ཆེ་ཡི་ཐུགས་ཀ་ནས།། ཛཿལས་ལྕགས་ཀྱུས་བཀུག་ཅིང་བསྟིམ།། ཐོད་པ་དེ་རུ་སྔས་ནས་ནི།། སྟོབས་པོ་ཆེ་ཡི་ཕུར་གྱིས་གདབ།། རྒྱ་གྲམ་མནན་ཅིང་ལས་བཞིས་བརྡུང་།། གང་ལས་བྱས་ཀྱང་ཐེ
50a5 ཚོམ་མེད། ཁྲོ་བོ་སྟོབས་པོ་ཆེའི་རྒྱུད་ལས། སྲི་མནན་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། དོམ་གྱི་མགོ་ཅན་དང་། བྱི་བའི་མགོ་ཅན་དང་།
50a6 འཁོར་མགོ་བརྙན་གྱི་ཚོགས་ཀྱིས་གསོལ་བ་གདབ་པའི་ཕྱིར་འདི་སྐད་ཅེས་བསྟོད་དོ།། ཀྱེ་མ་གསང་བའི་བདག་ཉིད་གཙོ།། སྐུ་གསུང་ཐུགས་ཀྱི་རབ་ཟབ་པ།། རྒྱ་མཚོ་ལྟ་བུའི་ངང་ཚུལ་ཅན།། ཟིལ་གནོན་ཆེན་པོ
iiif viewer powered by OpenSeadragon
