| e-texts navigator |
| Wylie |
49b1 གཞོམ་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། སྲི་མནན་པའི་དོན་འདི་གསུངས་སོ།། བདུད་ཆེན་པདྨ་གར་གྱི་དབང་ཕྱུག་དང་། བདུད་མོ་པདྨ་གར་གྱི་དབང་ཕྱུག་མ
49b2 གཉིས་ལ་བུ་གཅིག་སྐྱེས་ཏེ། རྒྱལ་པོ་ཕུང་པའི་ཕུང་སྲི། བློན་པོ་ཕུང་པའི་ཕུང་སྲི། ཡུལ་མི་ཕུང་བའི་སྲི། དགྲ་སྲི། དམེ་སྲི། སྒོ་སྲི། ཆུང་སྲི། དུར་སྲི། རྣལ་འབྱོར་པའི་དམ་སྲི། གོད་སྲིའོ།། རྒྱལ་པོ་ཕུང་བའི་ཕུང་སྲི
49b3 ནི།། མོན་ནམ་ཧོར་མོ་སྤྱི་རིངས་སམ།། མོན་གླང་ཕྱུག་གི་ཐོད་པ་རུ།། ཆོས་འཁོར་དབུས་སུ་གནན་པར་བྱ།། བློན་པོ་ཕུང་བའི་ཕུང་སྲི་ནི།། སྤྲེའུ་འམ་ནེ་ཙོའི་ཐོད་པ་རུ།། མདུན་མ་འདུས་སར་གནན་པར་བྱ།། ཡུལ
49b4 མི་ཕུང་བའི་ཕུང་སྲི་ནི།། མཛོ་རྟོལ་དྲེའུའི་ཐོད་པ་རུ།། གྲོང་གི་དབུས་སུ་མནན་པར་བྱ།། ཡང་ན་ཡུལ་གྱི་མདོ་ཉིད་དོ།། དགྲ་སྲི་རྟ་གཡག་ཐོད་པ་རུ།། དགྲ་ཟུན་མཚམས་སུ་གནན་པར་བྱའོ།། དམེ་སྲེ་ཁྱི་སྤྱང་ཐོད་པ
49b5 རུ།། གྲོང་གི་དབུས་སུ་གནན་པར་བྱའོ།། སྒོ་སྲི་ཕག་གི་ཐོད་པ་རུ།། ཐེམ་པའི་འོག་ཏུ་གནན་པར་བྱ།། ཆུང་སྲི་ཕག་གུའི་ཟོད་པ་རུ།། མལ་གྱི་འོག་ཏུ་གནན་པར་བྱ།། དུར་སྲི་ཝ་དང་གྲུམ་ཟོད་དམ།། ཡང་ན་སྲེ
49b6 མོའི་ཐོད་པ་རུ།། དུར་གྱི་འདབས་སུ་གནན་པར་བྱ།། རྣལ་འབྱོར་དམ་སྲི་མི་དང་ཁྱི།། ཕག་ཐོད་ལ་སོགས་པ་ལ་ནི།། མཆོད་རྟེན་ནང་དུ་གནན་པར་བྱ།། གོད་སྲི་རིའུ་ལུག་ཐོད་པ་རུ།། ར་བའི་དབུས
iiif viewer powered by OpenSeadragon
