| e-texts navigator |
| Wylie |
48a1 དཀྱིལ་འཁོར་སྤྱན་ཡང་དྲངས།། དགུག་དང་གཞུག་དང་བསྟིམས་པ་སྟེ།། བརྟན་པར་བྱས་ལ་མཆོད་རྫོགས་བྱ།། བསྟོད་པ་བྱས་ལ་བཟླས་པར་གཞུག། སྙིང་གའི་ཧཱུཾ་ལས་འོད་འཕྲོས་པས།། འོག་གི་ཀླུ
48a2 རྣམས་བཀུག་ནས་ནི།། བདག་གི་ཞབས་འོག་ཚུད་པར་བསམ།། དེ་ལ་བཟླས་པའི་སྙིང་པོ་འདིའོ།། ཨོཾ་སྥོ་ཊ་ཡ་སྥོ་ཊ་ཡ། ན་ག་ཏ་ལ་ཕཊ། ནཱ་ག་ནཱ་ག་དུན་དུན། ཧྲྀ་ད་ཡ་ཕཊ། དེ་ལྟར་སྔགས་འདི་ཁྲི་ཕྲག
48a3 གཅིག། རབ་ཏུ་དྲག་པར་འདི་བཟླས་ན།། ཀླུ་རྣམས་རབ་ཏུ་སྐྲག་འགྱུར་ཏེ།། ཆར་གྱི་རྒྱུན་རྣམས་འབེབས་པར་བརྟག། དེ་ཡི་མཚན་མ་བསྟན་པ་ནི།། ཉམས་ཐག་འོ་དོད་འབོད་པའམ།། སྤེལ་གཅོད་སྐམས་པ་མཐོང
48a4 བ་དང་།། དེ་ནས་ལས་ལ་སྦྱར་བར་བྱའོ།། ཆུ་མིག་གཉེན་པོའི་ཁར་སོང་ལ།། ཀླུ་རྣམས་སྣ་ཚོགས་གཏོར་མ་བཤམས།། དེ་ལ་བ་དམར་འོ་མ་སྦྲེང་།། ཧཱུཾ། སྟོན་པ་ང་ཡི་བཀའ་བསྒོ་ཡིས།། ཀླུ་ཆེན་བརྒྱད་ལ་སོགས་པ
48a5 ཡི།། བ་སུ་རི་དྲུག་འདིར་འདུས་ཤིག། སོ་སོའི་གནས་ནས་བསྐུལ་བར་བསམ།། བདག་གི་ཐད་ཀར་འདུས་ནས་ནི།། ཇི་ལྟར་བགྱི་ཞེས་ཟེར་བར་བསམ།། ང་ཡི་གཏོར་མ་འདི་ལོང་ལ།། སེམས་ཅན་ཚ་བས་གདུང
48a6 བ་ལ།། ཆར་པའི་རྒྱུན་རྣམས་དབབ་ཏུ་གསོལ།། གཏོར་བསྔོས་ཚིག་བཤད་འདི་ཡང་བརྗོད།། གལ་ཏེ་ཆར་པ་མི་འབེབས་ན།། ཀ་ར་བཱི་རའི་རྒྱ་ལྕགས་གིས།། གཟུགས་ཕུང་ཐལ་བ་བཞིན་དུ་ནི།། བརླག་པར་འགྱུར།
iiif viewer powered by OpenSeadragon
