| e-texts navigator |
| Wylie |
47b1 འཕྲོས་འོད་སླར་འདུས་པས།། ཆོས་དབྱིངས་གཟུགས་བརྙན་ཉིད་དུ་སྟེ།། དེ་ལ་སྔགས་འདི་སྐུ་ལྟར་བྱུང་།། ཨོཾ་བཛྲ་ཀྲོ་དྷ་ཧཱུཾ་མ་ཧཱ་བ་ལ་ཧཱུཾ།། གསང་སྔགས་བརྗོད་པས་སྐུ་རུ་གྱུར།། དབུ་གསུམ་ཕྱག་དྲུག་རྒྱན་དང
47b2 ལྡན།། གཡས་པ་དཀར་ལ་གཡོན་པ་དམར།། དབུས་མ་དུད་ཁ་ལྟ་བུ་སྟེ།། གཡས་གཡོན་རྡོ་རྗེ་བྷནྣའོ།། བར་མ་ཐོ་བ་ལྕགས་ཀྱུའོ།། ཐ་མ་འདུལ་བའི་ཕྱག་རྒྱ་བསྣམས།། ཐུགས་ཀའི་ཧཱུཾ་ལས་འབར་བར
47b3 བསྐྱེད།། སྒྲའམ་གྲིབ་མའི་ཚུལ་དུ་བསམ།། དེ་ལྟར་ཡོངས་སུ་རྫོགས་པ་དང་།། ཡེ་ཤེས་སེམས་དཔའ་བསམ་པར་བྱ།། ཏིང་འཛིན་སེམས་ལས་འོད་འཕྲོས་པས།། ཕྱོགས་བཅུའི་རྒྱལ་བ་སྤྱན་དྲངས་ཏེ།། བདག་གི
47b4 གཙུག་ཏུ་བཞུགས་པར་བརྟག། དེ་ལ་བསྐོར་ན་ལན་གསུམ་བྱ།། ཕྱི་ནང་གསང་བའི་མཆོད་པས་མཆོད།། དེ་རྗེས་དབང་རྣམས་ཚང་བར་ནོད།། དེ་ནས་རང་བཞིན་གནས་སུ་གཤེགས།། ཐབས་དང་ཤེས་རབ་ཁྱད
47b5 པར་ལས།། འཁོར་གྱི་དཀྱིལ་འཁོར་གསལ་བར་བསྐྱེད།། ཞལ་གཅིག་ཕྱག་གཉིས་སྐུ་མདོག་དུད།། ཀ་ར་བཱི་རའི་ཕུར་བུའོ།། སྦྲུལ་བརྒྱན་ཕུར་བུའི་གདན་ལ་བཞུགས།། ས་བོན་རྣམས་ཀྱིས་རྣམ་པར
47b6 མཚན།། སྒོ་བཞི་གཞན་ལ་དེ་བཞིན་ཡིན།། ཡབ་ཡུམ་ཐབས་དང་ཤེས་རབ་ཀྱིས།། བསྐྱེད་པའི་སྔགས་ཀྱིས་རབ་བསྐུལ་ནས།། ཡོངས་སུ་རྫོགས་པའི་དཀྱིལ་འཁོར་རོ།། རྡོ་རྗེ་གཡབ་མོས་གཡབ་ནས་ནི།། ཡེ་ཤེས
iiif viewer powered by OpenSeadragon
