| e-texts navigator |
| Wylie |
46b1 རྣམས་ལ་ཡང་རྣམ་པར་གཟིགས་སོ།། དེ་ནས་འགྲོ་བ་སེམས་ཅན་གྱི་དོན་ལ་འཁོར་རྣམས་ཀྱིས་བསྐུལ་བར་རབ་ཏུ་བརྩམ་ནས་དཀྱིལ་འཁོར་གྱི་ལས་ལ་ཞུགས་པར་གྱུར་ཏོ།། ཁྲོ་བོ་སྟོབས་པོ་ཆེའི་རྒྱུད་ལས་གླེང
46b2 གཞིའི་ལེའུ་སྟེ་དང་པོའོ།། དེ་ནས་ཡང་དཔལ་ཁྲག་འཐུང་གི་རྒྱལ་པོས། དཀྱིལ་འཁོར་གྱི་དོན་གསུངས་ཏེ། སྟོབས་པོ་ཆེ་ཡི་དཀྱིལ་འཁོར་ནི།། ལས་ཀྱི་རྡོ་རྗེ་རྒྱ་གྲམ་ལ། ཁ་དོག་སྔོན་པོ་འོད་དང་བཅས།། དེ་ཡི་ལྕེ
46b3 བ་གྲུ་བཞི་ལ།། མཐིང་ནག་གྲུ་གསུམ་འབར་བ་བྲི།། པདྨ་ཁ་དོག་ལྔ་དང་ལྡན།། རྡོ་རྗེ་ར་བའི་བར་དུ་བྲི།། དེ་ཡི་ནང་དུ་བསམ་བྱ་བ།། སྦྲང་རྩིའི་སྙིགས་མ་ལས་གཟུགས་བྱ།། གྲོ་ག་ཤིང་ཤུན་གང་དང་གང་།། དུར
46b4 ཁྲོད་རོ་ཡི་ཁྲག་གིས་ནི།། མིང་དང་རུས་གཉིས་བྲིས་ནས་ནི།། དཔྲལ་བར་མིང་ནི་བསླན་པར་བྱ།། སྙིང་གར་གྲུ་གསུམ་རབ་བྲུས་ལ།། དེ་རུ་གཟུགས་དང་རུས་སུ་བཅས།། བཅུག་ལ་བཞག་པར་བྱ་བ་ཡིན།། དེ་ཡི
46b5 སྟེང་དུ་བསམ་པའི་ལྷ།། ས་འོག་ལས་ནི་སྐུར་བཞེངས་ལ།། རྡོ་རྗེ་ཆོ་ག་གསུམ་གྱིས་གསལ།། སྐུ་ནི་སྔོན་པོ་འབར་བས་འཁྲིགས།། ཞལ་གཅིག་ཕྱག་གཉིས་ཞབས་ཀྱང་གཉིས།། ཕྱག་གཡས་རྡོ་རྗེ་ཆེན་པོ
46b6 འབར།། གཡོན་པ་སྡིག་པའི་མཛུབ་མོ་སྟོན།། སྐྲ་སེར་གྱེན་འཁྱིལ་སྦྲུལ་གྱིས་བརྒྱན།། སྤྱན་བཟློག་གསུམ་གཟིགས་ཞལ་གདངས་ནས།། སྨིན་མ་རབ་བཏེགས་ཨག་ཙོམ་འབར།། སྟག་ལྤགས་གཡང
iiif viewer powered by OpenSeadragon
