| e-texts navigator |
| Wylie |
46a1 རྒྱ་གར་སྐད་དུ། ཀྲོ་དྷ་མ་ཧཱ་བ་ལ་ཏནྟྲ། བོད་སྐད་དུ། ཁྲོ་བོ་སྟོབས་པོ་ཆེའི་རྒྱུད། དཔལ་ཁྲག་འཐུང་རོལ་པའི་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ཁྲག་འཐུང་རོལ
46a2 པའི་རྒྱལ་པོ། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན། ཕྱི་ནང་མེད་པའི་ཞལ་ཐལ་ལེ་གཟིགས་པའི་གཞལ་ཡས་ཁང་པདྨ་བྷ་གའི་གདན་སྟེངས་ན། རིན་པོ་ཆེ་རྣམ་ལྔ་སྤྲས་པའི་ཕྱོགས་བཞི་ནས་ཡེ་ཤེས་བཞིའི་སྒོ
46a3 ཤར་ཅིང་། ལྷ་དང་ལྷ་མོའི་ཚོགས་ཐམས་ཅད་ཀྱང་རོལ་པར་མཛད་ཅིང་བཞུགས་པའི་གནས་དེ་ན་ཡུམ་དང་གཉིས་སུ་མེད་པའི་རོལ་པ་མཛད་ཅིང་བཞུགས་སོ།། འཁོར་ཀརྨ་ཧེ་རུ་ཀ་དང་། དོམ་གྱི་མགོ་ཅན་དང་།
46a4 བྱི་བའི་མགོ་ཅན་དང་། མགོ་བརྙན་གྱི་ཚོགས་ཀྱིས་འདི་སྐད་ཅེས་ཞུས་སོ།། འཁོར་གྱི་མཚན་ཉིད་གང་གསུང་ལགས།། རོལ་པའི་ཕྲིན་ལས་གང་གསུང་ལགས།། གདུག་པ་ལོག་ལྟ་གདུལ་སླད་དུ།། སྙིང་རྗེ་ཆེན་པོས
46a5 བདག་ལ་སྟོན།། ཞེས་གསོལ་པས། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། ཕྱི་ནང་དུ་སྣང་བ་ཐམས་ཅད་ལ་ཁྲོས་པའི་སྤྱན་གྱིས་སོ་སོར་བྱེ་དྲག་ཏུ་གཟིགས་སོ།། དེ་ནས་ཡུམ་ལ་སྙོམས་པར་ཞུགས
46a6 ཏེ། མཉམ་པའི་ངང་ལས་ཁྲོ་བོའི་སྐུར་སྤྲུལ་ཏེ། གདུག་པ་ཅན་གྱི་ཚོགས་རྣམས་ལ་ཡང་རྣམ་པར་གཟིགས་སོ།། ལོག་པའི་ལམ་རྣམས་ལ་ཡང་རྣམ་པར་གཟིགས་སོ།། སངས་རྒྱས་དང་བྱང་ཆུབ་སེམས་དཔའི་ཚོགས
iiif viewer powered by OpenSeadragon
