| e-texts navigator |
| Wylie |
44a1 བྱེད།། གང་ལ་བཏབ་ཀྱང་ཐོགས་པ་མེད།། ཅེས་གསུངས་སོ།། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། སྲོག་གི་འཁོར་ལོའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཁྲག
44a2 འཐུང་གི་རྒྱལ་པོས། བླ་དང་ལྷ་འདྲེ་རྒྱུ་བའི་དོན་བསྟན་ཏེ།། ཤ་བ་གླང་བ་སྲོད་ལ་རྒྱུ།། ལུག་དང་སྙན་གཉིས་ནམ་ཕྱེད་རྒྱུ།། ཕག་གི་བླ་ནི་ཐོ་རངས་རྒྱུ།། བྱི་བ་ཉི་མའི་རྩེ་ལ་རྒྱུ།། རྟ་ནི་ཉི་མ་ཕྱེད་ན་རྒྱུ།། ར་ནི་ཉི་མ
44a3 ནུབ་ན་རྒྱུ།། གཡག་དང་གླང་ནི་ས་སྲོས་རྒྱུ།། འཚོ་བར་བྱེད་པ་ཡུལ་ལྷ་སྟེ།། སྐྱོབ་པར་བྱེད་པ་དགྲ་ལྷའོ།། འགེགས་པར་བྱེད་པ་མ་སྨན་ཡིན།། འགོ་བ་བན་བོན་སྲུང་མ་ཡིན།། སྲུང་བར་བྱེད་པ་སྲོག་ལྷའོ།། ཐོ
44a4 རངས་ལྷ་འདྲེ་རྒྱལ་པོ་རྒྱུ།། ཉི་མའི་རྩེ་ལ་དགྲ་ལྷ་རྒྱུ།། ཉིན་ཕྱེད་དྲོས་ནས་དམག་དཔོན་རྒྱུ།། ས་རྣམས་ཚབ་ཆུབ་བཙན་ཡང་རྒྱུ།། སྲོད་ཀྱི་དུས་སུ་བདུད་ཀྱང་རྒྱུ།། ནམ་གྱི་གུང་ལ་གཤིན་རྗེ་རྒྱུ།། ནམ་ཕྱེད་དུས་སུ་མ
44a5 མོ་རྒྱུ།། རྒྱུ་བའི་དུས་སུ་དྲག་སྔགས་བརྡེག། ལས་སྦྱོར་དག་ནི་བརྩམས་པར་བྱ། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད་ལས། ལྷ་འདྲེ་དང་བླ་རྒྱུ་བའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས
44a6 ཁྲག་འཐུང་གི་རྒྱལ་པོ་དེས། དྲག་སྔགས་ཀྱི་དོན་འདི་བསྟན་ཏོ།། ཨ་ནི་སྐུ་ཡི་སྙིང་པོ་སྟེ།། ལུས་ནི་སྒྲོལ་བའི་དྲག་སྔགས་ཡིན།། ཀ་ནི་གསུང་གི་སྙིང་པོ་སྟེ།། ངག་ནི་སྒྲོལ་བའི་དྲག་སྔགས་ཡིན།། ཙ་ནི་ཐུགས་ཀྱི་སྙིང
iiif viewer powered by OpenSeadragon
