| e-texts navigator |
| Wylie |
42b1 རྒྱ་གར་སྐད་དུ། ཀྲོདྷ་ཏྲཻ་ལོ་ཀྱ་བི་ཛ་ཡ་ཏནྟ། བོད་སྐད་དུ། ཁྲོ་བོ་ཁམས་གསུམ་རྣམ་པར་རྒྱལ་བའི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།
42b2 བཅོམ་ལྡན་འདས་ཁྲོས་པའི་མངའ་བདག་ཏུ་གྱུར་པའི་རྒྱལ་པོ། འཇིགས་པའི་སྐུ་ཕྱོགས་བཅུའི་དུས་གསུམ་གྱི་སངས་རྒྱས་ཐམས་ཅད་ཀྱིས་དབང་བསྐུར་ནས། ཁྲོས་པའི་གསུང་དྲག་པོའི་གདངས་སྒྲས་ཐམས་ཅད
42b3 ཟིལ་གྱིས་གནོན་པའི་རང་བཞིན་ཡོངས་སུ་དག་པར་བཞུགས་ཏེ། འོག་མིན་གྱི་གནས་ཞེས་བྱ་བ་ཆོས་ཀྱི་དབྱིངས་ཀྱི་ཕོ་བྲང་ན། དུར་ཁྲོད་ཀྱི་གཞལ་ཡས་ཁང་ན། རྟག་ཏུ་ཡུམ་དང་ལྷན་ཅིག་ཏུ་བཞུགས་ཏེ། འཁོར
42b4 ཀརྨ་ཧེ་རུ་ཀ་དང་། དྲེད་མོའི་མགོ་ཅན་དང་།། སྲེ་མོའི་མགོ་ཅན་དང་། མགོ་བརྙན་གྱི་ཚོགས་ཀྱིས་འདི་སྐད་ཅེས་ཞུས་སོ། ཨེ་མ་ཧོ།། དེ་ཉིད་མ་བཅོས་བྱང་ཆུབ་སེམས།། དེ་ཉིད་གསལ་བའི་ངང་དུ་ཤར།། གདུག
42b5 པའི་མི་རྣམས་ལྷན་ནེའོ།། ཁྲོས་པའི་བདག་པོ་མི་གནས་པའི།། ཐམས་ཅད་དོན་དམ་བྱང་ཆུབ་སེམས།། ཞེས་གསོལ་ཏོ།། དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོས་བསྐུལ་བར་ཐུགས་སུ་ཆུད་དེ། ལན
42b6 འདི་གསུངས་སོ།། ཨེ་མ་ཧོ།། རྨད་དུ་བྱུང་བ་གསང་བའི་བཀའ།། གསང་བ་བདག་ལ་གོས་པ་མེད།། ག་བུར་དྲི་ལྡན་རྒྱུན་མི་གཅོད།། ཅེས་གསུངས་སོ།། དེའི་ཚེ་ལོག་པའི་ང་རྒྱལ་ཅན་གྱི་མ་དང་བུ
iiif viewer powered by OpenSeadragon
