| e-texts navigator |
| Wylie |
42a1 རྣམས་ཐམས་ཅད་ཆོས་ཉིད་དོ།། ཉོན་མོངས་བདུད་ལ་ཡེ་ཤེས་རྩི།། བདུད་རྩི་ཞེས་ཀྱང་དེ་ལ་བྱ།། ཐམས་ཅད་ཆོས་ཉིད་ངང་ལ་གནས།། ཆོས་ཀྱི་དབྱིངས་ལས་གཡོས་པ་མེད། ཁྲོ་བོ་བདུད་རྩི་འཁྱིལ
42a2 པའི་རྒྱུད་ལས། ལྟ་བའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་ལ་སོགས་ཏེ། འཁོར་རྣམས་དགྱེས་ནས་འདི་སྐད་ཅེས་ཞུས་སོ།། ཨེ་མ་ཧོ་ཁྲག་འཐུང་རྒྱལ་པོ
42a3 ལེགས་སོ་ལེགས་སོ།། ཇི་ལྟར་ཁྱོད་ཀྱི་བསྟན་བཞིན་དུ། ཁྱེད་ཀྱི་ཐུགས་རྗེའི་བྱིན་རླབ་ཀྱིས།། བདག་ལ་རབ་ཏུ་བཤད་པའོ།། མ་དག་འཁོར་བའི་དོན་དུ་ནི།། བཅོམ་ལྡན་འདས་ཀྱི་བདག་ལ་ལུང་བསྟན་དུ
42a4 གསོལ།། བཅོམ་ལྡན་འདས་བཛྲ་ཀཱི་ལ་ཡས།། ཀརྨ་ཧེ་རུ་ཀའི་ཚིག་གསན་ནས།། འདི་སྐད་ཅེས་བཀའ་སྩལ་ཏོ།། ཨེ་མ་ཧོ། བདེ་བ་སླད་མའི་ལུང་སྟོན་ཡིན།། གདུག་པ་སླད་ཀྱི་ཚར་གཅོད་ཡིན།། ཡེ་ཤེས་སྤྲུལ་པའི
42a5 སྐུ་མཆོག་ཡིན།། སྤྲོས་མེད་མཁྱེན་པའི་ཐུགས་མཆོག་ཡིན།། ཞེས་བཀའ་སྩལ་ཏོ། ཁྲོ་བོ་བདུད་རྩི་འཁྱིལ་པའི་རྒྱུད་ལས། རྒྱུད་ཡོངས་སུ་བཏད་པའི་ལེའུ་སྟེ་དྲུག་པའོ།། ཁྲོ་བོ་བདུད་རྩི་འཁྱིལ་པའི་རྒྱུད་རྫོགས
42a6 སོ།། །
iiif viewer powered by OpenSeadragon
