| e-texts navigator |
| Wylie |
41a1 ལས་གྲགས།། རྩ་བ་བརྒྱད་ལ་ཡན་ལག་སྟོང་།། སྤྱི་ཡི་བརྒྱད་དང་ནང་གི་བརྒྱད།། གསང་བའི་བརྒྱད་དང་མཐར་ཟུག་བརྒྱད།། ཡལ་ག་རྒྱལ་བའི་དགོངས་པ་མཉམ། ཁ་དོག་རིགས་ཀྱིས་ཤེས་པར
41a2 བྱ།། བདུད་རྩི་ཆེན་པོའི་རིལ་བུ་བྱ།། བསྙེན་བསྒྲུབ་གསུམ་གྱི་རིམ་བུ་སྦྱང་།། གསང་སྔགས་གཞུག་ལ་ཨ་མྲི་ཏ།། སྔགས་རྣམས་རབ་ཏུ་བཟླས་པ་གཅེས།། དེ་ནས་རྣལ་འབྱོར་དངོས་གྲུབ་བླང་།། རིལ་བུ་ཆེན་པོ
41a3 བཟའ་བར་བྱ།། བཅུད་ལེན་དངོས་གྲུབ་ཐོབ་པར་འགྱུར།། བདར་ལ་ཞི་ཁྲོའི་ལྷ་ལ་གཏོར།། བདུད་རྩི་མཆོག་སྒྲུབ་ཅེས་བྱའོ།། ཁྲོ་བོ་བདུད་རྩི་འཁྱིལ་པའི་རྒྱུད་ལས།། བདུད་རྩི་སྒྲུབ་པའི་ལེའུ་སྟེ་གསུམ
41a4 པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། གཏོར་མ་གཏོང་བ་འདི་གསུངས་ཏེ།། རིན་ཆེན་སྣོད་དུ་གཏོར་བསགས་ལ།། རཾ་ཡཾ་ཁཾ་གིས་བསྲེག་སྦྱང་བྱ།། གཏོར་མ་སྟོང་པ་ཉིད་དུ
41a5 བསམ།། གཏོར་མའི་ནང་དུ་ཧཱུཾ་གཅིག་བསམ།། རྩ་བའི་སྔགས་ཀྱིས་ཁྲོ་བོར་བསམ།། ཧཱུཾ་གཉིས་ཁྲོ་བཅུ་སྲས་དང་བཅས།། ཧཱུཾ་ལས་མི་བཟད་ཕུར་པ་དྲུག། ཛཿཧཱུཾ་བཾ་ཧོཿསྤྱན་ཡང་དྲངས།། མགྲོན་གྱི་ལྷ་རྣམས་སྤྱན
41a6 དྲངས་ཤིང་།། ཧཱུཾ་ཧཱུཾ་ཧཱུཾ་གིས་བསྟིམ་པར་བྱ།། ཨོཾ་ཨཱཿཧཱུཾ་གསུམ་གྱིས་བྱིན་བརླབས་ལ།། འདོད་ཡོན་དྲུག་གི་ལྷ་མོར་བསམ།། རྩ་བའི་སྔགས་ཀྱིས་མགོ་དྲངས་ལ།། བཛྲ་ཡཀྵས་དབུལ་བར་བྱ།། ཕྲིན་ལས་བཅོལ་བའི
iiif viewer powered by OpenSeadragon
