| e-texts navigator |
| Wylie |
40b1 བོ་ཉིད།། རབ་ཏུ་ཤེས་ནས་དོན་རྣམས་མཛད།། དུར་ཁྲོད་ཞིང་གཽ་རས་མ་ལ།། ཤ་བའི་འཁོར་ལྀ་རབ་བརྩམས་ལ།། དེ་ཡི་སྟེང་དུ་གཟུགས་བརྟན་བྱ།། བཟླས་པ་ཁྲི་ཕྲག་གསུམ་དུ་བདྨ།། དེ་ལ་རླུང་གི་དཀྱིལ་ལ
40b2 བསྐྱེད།། ལ་ལས་ཁྲིད་དེ་ལ་ལས་བརྡེག། དེ་ཡིས་ལྷོ་ཕྱོགས་བསྐྱལ་ལ་བཞག། ཡང་ན་རང་གི་གནས་སུ་བསྐྱལ།། དུར་ཁྲོད་དབུས་སུ་དེ་བཅུག་ན།། དེ་ཡིས་གནས་ལ་བསྐྱོད་པར་ངེས།། གུ་གུལ་སྦྱར་མ་བཟང་པོ
40b3 ལ།། གསང་བའི་སྔགས་ཀྱིས་རབ་བཏབ་སྟེ། ཁྲོས་པའི་སེམས་སུ་གནས་བྱས་ཏེ།། དུར་ཁྲོད་མེ་ཆེན་རབ་སྦར་ན།། གདོན་དང་འབྱུང་པོ་མ་རུངས་དང་།། མུ་སྟེགས་ལྷ་རྣམས་བྲེད་ཅིང་བརྒྱ་ལ།། འདི་ནི་བདུག་པའི
40b4 མཆོག་ཡིན་ནོ།། ཁྲོ་བོ་བདུད་རྩི་འཁྱིལ་པའི་རྒྱུད་ལས།། དཀྱིལ་འཁོར་དབྱེ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། བདུད་རྩི་སྒྲུབ་པའི་དོན་འདི་གསུངས་ཏེ། དཀྱིལ
40b5 འཁོར་པདྨ་འདབ་བརྒྱད་ལ།། དབུས་སུ་སྔགས་ཀྱི་བདག་པོ་དགོད།། འདབ་བརྒྱད་སོ་སོའི་ལྷ་རྣམས་དགོད།། དབུས་སུ་བམ་ཆེན་བསྒྲིལ་ལ་བསྒྲུབ།། ཆོ་འཕྲུལ་རྟགས་འབྱིན་རྡོ་རྗེ་ཀ་པཱ་ལ།། བཀྲ་ཤིས་མི་འགྱུར་རྡོ
40b6 རྗེ་ཀ་པཱ་ལ།། དངོས་གྲུབ་རྟགས་འབྱིན་རྡོ་རྗེ་ཀ་པཱ་ལ།། བཀྲ་ཤིས་མཚན་ལྡན་རྡོ་རྗེ་ཀ་པཱ་ལ།། ཡང་ན་རུས་སྦལ་ཁོག་པ་རུ།། ཡང་ན་ཅེ་སྦྱང་ཐོད་པ་རུ།། ཤ་ལྔ་བདུད་རྩི་ལྔ་ཡང་བླུགས།། སྐྱོབས་ནི་བདུད་རྩིའི་རྒྱུད
iiif viewer powered by OpenSeadragon
