| e-texts navigator |
| Wylie |
40a1 རྣམ་པར་བསྐུལ་བས། བཅོམ་ལྡན་འདས་ཁྲག་འཐུང་གི་རྒྱལ་པོས། བསྐུལ་བ་ཐུགས་སུ་ཆུད་དེ། འོད་ཟེར་གྱི་ངང་ལ་གདུག་པ་ཅན་ཐམས་ཅད་བསྒྲལ་ནས། ཆོ་འཕྲུལ་གྱི་ཏིང་ངེ་འཛིན་ལས
40a2 བཞེངས་ཏེ། འགྲོ་བ་འདུལ་བའི་དཀྱིལ་འཁོར་འདི་གསུངས་སོ།། ཁྲོ་བོ་བདུད་རྩི་འཁྱིལ་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས། བདུད་རྩི་འཁྱིལ
40a3 བའི་དཀྱིལ་འཁོར་འདི་གསུངས་སོ།། བདུད་རྩི་འཁྱིལ་བའི་དཀྱིལ་འཁོར་ནི།། ལྗང་ནག་གྲུ་གསུམ་འབར་བ་ཡི།། མཐའ་མ་མཚོན་ཆའི་འཁོར་ལོ་བསྐོར།། རབ་ཏུ་འོད་དང་ལྡན་པར་བྲི།། དེ་ཡི་དབུས་སུ་བསམ་བྱ
40a4 བ།། རླུང་གི་གདན་ཉིད་བསམ་པར་བྱ།། དེ་ཡི་སྟེང་དུ་ཉི་ཟླའི་གདན།། དེ་སྟེང་བརྫུས་སྐྱེས་རིམ་པ་ཡིས།། བདུད་རྩི་འཁྱིལ་པ་རབ་རྫོགས་པར།། དེ་ལ་དཀྱིལ་འཁོར་རབ་བཅུག་སྟེ།། དེ་ཡིས་ཐམས་ཅད་ལྡན་པར
40a5 འགྱུར།། དུང་གི་ཕུར་པ་ཚོན་གང་བ།། རབ་རྫོགས་བྱང་ཆུབ་སེམས་ལས་ཕྱུང་།། བྱང་ཆུབ་སེམས་ཀྱིས་དེ་དབང་བསྐུར།། བཟླས་པ་ཁྲི་ཕྲག་གཅིག་ཏུ་བྱ།། དེ་ནས་སྟག་པའི་ལོ་མ་ལ།། བྱང་ཆུབ་སེམས་ནི་ཡུབ་ཡུམ
40a6 གྱིས།། དེ་ཡི་མཚན་མ་བྲི་གསལ་བར།། བྱས་ལ་གསང་བའི་གནས་སུའོ།། དེ་ལ་གདབ་པར་བྱས་ནས་ནི།། ངེས་པར་དམིགས་པ་དེ་བརླག་འགྱུར།། དུས་གསུམ་སངས་རྒྱས་དེས་བསྐུལ་ན།། སེམས་ཅན་ཀུན་ལ་ངོ
iiif viewer powered by OpenSeadragon
