| e-texts navigator |
| Wylie |
39b1 པོས། ཕྱག་རྒྱ་བཅིངས་གྲོལ་གྱི་གསུང་གིས་འདི་སྐད་ཅེས་བཀའ་སྩལ་ཏོ། ཨེ་མ་ཧོ། གལ་ཏེ་ངན་སོང་གསུམ་པོ་ནས།། ཐར་བར་གྱུར་ཀྱང་རཱུ་ཏྲར་སྐྱེས།། སེམས་ཅན་འཚེ་ཞིང་སྲོག་གཅོད་པས།། དམ་ཚིག་བླངས་ཏེ
39b2 བསྒྲལ་བར་བྱའོ།། ལས་ཀྱི་འཁོར་བ་ཡིན་པར་བཤད།། གསང་བ་ཟབ་མོའི་མདོ་འདི་ནི།། གཞག་པར་བྱ་བའི་སྣོད་ཀྱང་དཀོན།། ཞེས་གསུངས་སོ།། ཁྲོ་བོ་གཞན་གྱིས་མི་ཐུབ་པའི་རྒྱུད་ལས། རྒྱུད་ཡོངས་སུ་གཏད
39b3 པའི་ལེའུ་སྟེ་ལྔ་པའོ།། །། ཁྲོ་བོ་གཞན་གྱི་མི་ཐུབ་པའི་རྒྱུད་རྫོགས་སོ།། །། @#།། རྒྱ་གར་སྐད་དུ། ཀྲོ་དྷ་ཀུཎྜ་ལི་ཨ་མྲྀ་ཏ་ཏནྟ། བོད་སྐད་དུ། ཁྲོ་བོ་བདུད་རྩི་འཁྱིལ་བའི་རྒྱུད། དཔལ
39b4 ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན།། བཅོམ་ལྡན་འདས་ཁྲག་འཐུང་གི་རྒྱལ་པོ་ཡིས། འོག་མིན་གྱི་གནས་གཞི་མཐའ་དང་དབུས་མེད་པ། མི་འགྱུར་བའི་མཁའ
39b5 ཀློང་རྣམ་པར་དག་པའི་གཞལ་ཡས་ཁང་ན། ཡུམ་དང་གཉིས་སུ་མེད་པར་སྦྱོར་བའི་ངང་ལ་བཞུགས་པའི་ཚེ། ཀརྨ་ཧེ་རུ་ཀ་དང་། སེང་གེའི་མགོ་ཅན་དང་། ཕ་ཝང་གི་མགོ་ཅན་དང་། མགོ་བརྙན་གྱི་ཚོགས་དང་ཡུམ
39b6 འཐོར་བྱེད་མས་འདི་སྐད་ཅེས་ཞུས་སོ།། ཨེ་མ་ཧོ།། གསང་བའི་འོད་ཟེར་འབར་བ་ཡིས།། གདུག་པ་འཇོམས་པའི་དྲག་པོ་འདི།། རོལ་པའི་གདངས་སྒྲ་འཇིགས་པའི་སྐུ། ཁྲོས་པའི་སྐུ་མཆོག་བདག་ལ་སྟོན།། ཞེས
iiif viewer powered by OpenSeadragon
