| e-texts navigator |
| Wylie |
37a1 ཡེ་ཤེས་དབང་རྣམས་ནི།། དགའ་བ་བཞི་ཡི་ཉམས་མྱོང་སྐྱེད།། ལས་བཞིའི་བུད་མེད་གང་ཡང་ཤིས།། བྱང་ཆུབ་སེམས་ཀྱི་ལམ་ལ་འཇུག། མཉམ་པ་ཆེན་པོའི་ངང་ལ་གནས།། རྟ་མགྲིན་རྒྱལ་པོའི
37a2 རྒྱུད་ལས། རྫོགས་རིམ་གྱི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་ལ་སོགས་ཏེ། འཁོར་རྣམས་ཀྱིས་ཞུས་པ། ཨེ་མ་ཧོ། བསྐྱེད་པའི་རིམ་པ་ཇི་ལྟར་ལགས།། རྫོགས
37a3 པའི་རིམ་པ་ཇི་ལྟར་ལགས།། སྔགས་ཀྱི་མཚན་ཉིད་ཇི་ལྟར་ལགས།། མཉམ་པའི་མཚན་ཉིད་ཇི་ལྟར་ལགས།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། བསྐྱེད་པའི་རིམ་པ་ཧཱུཾ་ལས་སྤྲོ།། རྫོགས་པའི་རིམ་པ
37a4 ཨ་ལ་བསྡུ།། སྔགས་ཀྱི་མཚན་ཉིད་བཞི་རུ་དབྱེ།། མཉམ་པའི་མཚན་ཉིད་དང་ལ་བཞག། ཅེས་གསུངས་སོ།། དེ་ནས་འཁོར་རྣམས་དགྱེས་ནས། དཔལ་ཁྲག་འཐུང་གི་རྒྱལ་པོ་ལ་འདི་སྐད་ཅེས་བསྟོད་དོ།། མངོན
37a5 རྫོགས་རྒྱལ་པོ་ཡབ་ལ་བསྟོད།། ཁྲག་འཐུང་སྙིང་རྗེ་རྒྱལ་ལ་བསྟོད།། གསུང་མཆོག་རྒྱལ་པོ་ཁྱོད་ལ་བསྟོད།། མ་དཔུང་ཆས་བརྒྱད་ཁྱོད་ལ་བསྟོད།། ཅེས་བསྟོད་དོ།། ཁྲོ་བོ་རྟ་མགྲིན་གྱི་རྒྱུད་ལས། རྒྱུད་ཡོངས་སུ
37a6 གཏད་པའི་ལེའུ་སྟེ་དྲུག་པའོ།། །། ཁྲོ་བོ་རྟ་མགྲིན་གྱི་རྒྱུད་རྫོགས་སོ།། །། @#།། རྒྱ་གར་སྐད་དུ། ཀྲོ་དྷ་རཱ་ཛ་ཨ་པ་རཱ་ཛ་ཏ་ཏནྟྲ། བོད་སྐད་དུ། ཁྲོ་བོའི་རྒྱལ་པོ་གཞན་གྱི་མི་ཐུབ་པའི་རྒྱུད།
iiif viewer powered by OpenSeadragon
