| e-texts navigator |
| Wylie |
36b1 རས་ན་བྲི།། སྙིང་གར་སྲུང་མ་གསུམ་གྱི་སྔགས་བྲིས་ལ།། གཡས་སུ་ཧཱུཾ་ལ་གཡོན་དུ་ཕཊ།། མཐའ་མ་ཁྲོ་བཅུའི་སྔགས་ཀྱི་བསྐོར།། ས་ཆོ་ག་སྔོན་འགྲོ་མཚམས་གཅད་བྱ།། བསྙེན་བསྒྲུབ་གནད་སྲེག་འཕང་དང
36b2 གདབ།། སྒྲུབ་པ་ཆེན་པོའི་བཀའ་བཞིན་བྱའོ།། གནོད་ཚབ་ཆུང་ལ་རང་སྔགས་བསྲུངས།། གནོད་ཚབས་ཆེན་གདབ་ལས་བྱ།། དེ་ལྟར་བྱས་ན་ཐེ་ཚོམ་མེད།། རྟ་མགྲིན་རྒྱལ་པོའི་རྒྱུད་ལས། ས་བདག་བསྲུང་བའི
36b3 ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེས་བྱང་ཆུབ་སེམས་དཔའི་དོན་བསྟན་ཏེ།། ལྟེ་བར་གཏུམ་མོ་འབར་བ་ལ།། འཁོར་ལོ་རྩིབས་བཅུ་རབ་ཏུ་བསྟན།། ཆོས་ཀྱི
36b4 འཁོར་ལོ་བཅུ་དྲུག་པོ།། ལོངས་སྤྱོད་འཁོར་ལོ་རླབས་ཆེན་པོ།། བཅུ་དྲུག་ཆ་ལ་མཉམ་པར་བསྒོམ།། བདེ་བ་ཆེན་པོའི་འཁོར་ལོ་ནི།། སོ་གཉིས་པར་ནི་རབ་ཏུ་བཤད།། གཡས་པའི་རྩ་ནི་བྱང་ཆུབ་སེམས།། གཡོན
36b5 པའི་རྩ་ནི་མི་མཐོང་བཀྲ།། དབུས་ནི་དྷུ་མ་ཨ་བ་དྷཱ།། བདེ་བ་ཆེན་པོའི་འཁོར་ལོ་ལ།། མིང་གི་ཡི་གེ་སོ་གཉིས་དགོད།། ཆོས་དང་ལོངས་སྤྱོད་འཁོར་ལོ་ལ།། དབྱངས་ཀྱི་ཡི་གེ་བཅུ་དྲུག་དགོད།། ལྟེ་བ་ཤེས་རབ
36b6 འཁོར་ལོ་ལ།། ཨ་ཐུང་བཅུ་གཉིས་མཐའ་མ་ཨཱ།། མ་བསྒོམས་སེར་ལ་བསྒོམས་པས་དམར།། ཛྭ་ལ་རཾ་གྱིས་མེ་སྦར་ལ།། དབབ་དང་བཟློག་པ་ཚུལ་བཞིན་བྱ།། གསང་བའི་དབང་ཆེན་དེ་རུ་བསྐུར།། ཤེས་རབ
iiif viewer powered by OpenSeadragon
