| e-texts navigator |
| Wylie |
34b1 ཅད་ཚར་བཅད་ནས། ཁྲག་འཐུང་གི་ཚོགས་དབང་དུ་བསྡུས་ནས་བསྐྱེད་པའི་རིམ་པ་ལ་བཞུགས་སོ།། རྟ་མགྲིན་གྱི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་ཁྲག་འཐུང་གི་རྒྱལ་པོ་དེས།། རྟ་མགྲིན
34b2 གྱི་ཏིང་ངེ་འཛིན་འདི་གསུངས་སོ།། རྟ་མགྲིན་རྒྱལ་པོའི་དཀྱིལ་འཁོར་ནི།། དམར་ནག་གྲུ་གསུམ་འབར་བ་ལ།། ལོགས་གསུམ་ཟླ་གམ་གསུམ་བྱས་ལ།། ཐོད་པ་འཇིགས་པ་གསུམ་ཡང་དགོད།། ཕྱི་རིམ་པདྨ་འདབ
34b3 བརྒྱད་བྲི།། དབུས་སུ་ཀླུ་ཡི་རྒྱལ་པོ་བསམ།། དེ་སྟེང་ས་བོན་གསལ་བལྟས་ལ།། འོད་ཀྱི་འཕྲོས་པའི་འོད་ཕུང་ལས།། རང་སྔགས་སྒྲ་ཡིས་རབ་བསྐུལ་བས།། ཡོངས་སུ་རྫོགས་པའི་སྐུར་གསལ་གྱུར།། དེ་རྗེས་ཡེ
34b4 ཤེས་རྗེས་དྲན་པས།། སྐུ་གསུང་ཐུགས་སུ་བྱིན་གྱིས་བརླབས།། མཆོད་ཅིང་བསྟིམ་པ་བྱས་ནས་ནི།། སྲས་མཆོག་ཟངས་མའི་སྐུ་མཆོག་ལ།། དབང་བསྐུར་བྱིན་བརླབས་བྱས་ནས་ནི།། བདག་ཉིད་མདུན་ན་གནས
34b5 པར་བརྟག། སྙིང་པོ་རང་སྔགས་བཀོད་ནས་ནི།། བཟླས་པ་ཁྲི་ཕྲག་གཅིག་ཏུ་བྱ།། དེ་ནས་ལས་ལ་མྱུར་དུ་སྦྱར།། ཁྲོས་པའི་སེམས་ཀྱིས་བླངས་པ་ནི།། གྲོག་མ་རྒྱལ་པོའི་མཁར་ས་བླང་།། སྡོང་པོ་རྐང་གཅིག་ཟང
34b6 ཆུས་སྤུ།། གཟུགས་བརྙན་སོར་བརྒྱད་ཚད་དུ་བྱ།། ཀླུ་ཡི་རྒྱལ་པོའི་ཁར་བཅུག་ལ།། དེ་ལ་དགུ་གཅིང་བསྟིམ་པ་ཡིན།། དེ་ནས་ཕུར་པ་གདབ་པ་བརྩམ།། སངས་རྒྱས་ཉིད་ཀྱང་འཁྲིག་པར་འགྱུར།། སེམས་ཅན་ཕལ
iiif viewer powered by OpenSeadragon
