| e-texts navigator |
| Wylie |
33b1 མགོ་བརྙན་གྱི་ཚོགས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཁྲག་འཐུང་གི་རྒྱལ་པོ་གསང་བ་རྨད་དུ་བྱུང་བའི་ཆོས་ཇི་ལྟར་འབྱུང་ལགས། ཟབ་མོའི་དོན་ཇི་ལྟར་འབྱུང་ལགས། གདུག་པའི་ཚོགས་ཇི
33b2 ལྟར་འདུལ་ལགས།། ཞེས་གསོལ་པས། བཅོམ་ལྡན་འདས་ཁྲག་འཐུང་གི་རྒྱལ་པོས་གསུང་འདི་སྐད་ཅེས་བཀའ་སྩལ་ཏོ།། བྱོན་པར་བརྡེབས་པར་ཚུལ་མཐུན་བསྲུང་།། གསང་སྔགས་ཐེག་པ་འབྱུང་བར
33b3 དཀོན།། ཨུ་དུམ་ཝ་ར་ཇི་བཞིན་ནོ།། སྔར་གྱི་སངས་རྒྱས་འོད་སྲུངས་ཀྱིས།། གསང་སྔགས་འབྲས་བུའི་འཁོར་ལོ་བསྐོར།། དེ་ཡི་དུས་འདི་མ་གསུངས་ཏེ།། ཕྱིས་ཀྱང་གསུང་བར་མི་འགྱུར་རོ།། ད་ལྟ་རྒྱལ་པོ་ཛ་ལ
33b4 གསུངས།། གསང་བའི་བདག་པོ་འདིས་གསུངས་སོ།། ཞེས་བཀའ་སྩལ་ཏོ།། དེ་ནས་འཁོར་རྣམས་དགྱེས་ནས་གསང་བའི་བདག་པོ་ཁྲག་འཐུང་གི་རྒྱལ་པོ་འཇིགས་པའི་ང་རོ་ཅན་ཚོགས་ཀྱི་བདག་པོ་ལེགས་སོ་ཟེར
33b5 ཞིང་གྱེས་སོ།། ཁྲོ་བོ་མིག་ཡོ་མགོན་པོའི་རྒྱུད་ལས། ཡོངས་སུ་གཏད་པའི་ལེའུ་སྟེ་ལྔ་པའོ།། །། ཁྲོ་བོ་མི་གཡོ་མགོན་པོའི་རྒྱུད་རྫོགས་སོ།། །།
33b6 རྒྱ་གར་སྐད་དུ། ཀྲོ་ཏ་ཧ་ཡ་གྲཱྀ་ཝ་རཱ་ཛ་ཏནྟྲ། བོད་སྐད་དུ། ཁྲོ་བོའི་རྒྱལ་པོ་རྟ་མགྲིན་གྱི་རྒྱུད། དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། འོག་མིན་ཆོས
iiif viewer powered by OpenSeadragon
