| e-texts navigator |
| Wylie |
33a1 བགེགས་བཀུག་ལ།། བསྙེན་ཕུར་དྲིལ་ཞིང་རབ་ཏུ་གདབ།། ལྕགས་སྣ་ལྔ་ཡི་ཕུར་པ་ཡིས།། དགུག་གཞུག་བསྟིམ་ཞིང་ཕུར་པ་གདབ།། བུམ་པ་ཆུ་ཡིས་དབང་བསྐུར་བཀྲུ།། བསྒྲུབ་པ་ཆེན་པོའི་དུས
33a2 དག་ཏུ།། གདབ་དང་ཧོམ་དང་ཟོར་དང་གསུམ།། མནན་སྲེག་འཕང་བའི་ལས་རྣམས་རྫོགས་པར་བྱ།། དེ་ཡིས་འགྲུབ་པར་ཐེ་ཚོམ་མེད། ཁྲོ་བོ་མི་གཡོ་མགོན་པོའི་རྒྱུད་ལས། བུ་བསླང་བའི་ལེའུ་སྟེ་གསུམ
33a3 པའོ།། །། དེ་ནས་གསོ་བའི་ལས་བྱེད་ན། ཕྱི་མཆོད་ནང་མཚམས་མངའ་གསོལ་ནས།། ཐིག་གདབ་མཚོན་དགྱེ་ཕུར་བུ་དགོད།། ལིངྒ་བཅའ་ཞིང་དགྲ་བགེགས་དགུག། དེ་ལ་སྔགས་དྲུག་རབ་ཏུ་གཅེས། ཁྱི
33a4 གུའི་ཐོད་པར་མིང་བཅུག་ལ།། ལྷ་དཔྲལ་དགུག་བསྟིམ་དབང་དུ་བསྡུ།། ཚོགས་མཆོད་སྐབས་སུ་དགུག་གཞུག་བྱ།། བསྙེན་ཕུར་དྲིལ་ཞིང་གདབ་ལས་བྱ།། མནན་བསྲེག་འཕང་དང་གསུམ་ཡང་བསྒྲུབ།། ཆུང
33a5 སྲི་མལ་གྱི་འོག་ཏུ་མནན།། ཡང་ན་ཐེམ་པའི་འོག་ཏུ་མནན།། མི་གཡོ་མགོན་པོའི་ཕུར་བུས་གདབ།། རྡོ་རྗེ་རྒྱ་གྲམ་ལྟེ་བར་སྦྱར།། ཕྲིན་ལས་རྣམ་བཞིའི་བྲོ་ཡང་བརྡུང་། ཁྲོ་བོ་བཅུ་ནི་རབ་ཏུ་གཅེས།། དེ་ལྟར་བྱས་ན
33a6 འགྲུབ་པར་འགྱུར། ཁྲོ་བོ་མི་གཡོ་མགོན་པོའི་རྒྱུད་ལས།། སྲིའུ་གསོ་བའི་ལེའུ་སྟེ་བཞི་པའོ།། །། དེ་ནས་དཔལ་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། གཟིག་གི་མགོ་ཅན་དང་། ཁྭ་ཏའི་མགོ་ཅན་དང་།
iiif viewer powered by OpenSeadragon
