| e-texts navigator |
| Wylie |
32b1 བྱ།། དེས་ནི་ངེས་པར་རླག་པར་འགྱུར།། གདུག་པའི་སེམས་དང་བཅས་ནས་ནི།། སྙིང་གའི་འོད་ཟེར་དྲག་པོ་ཡིས།། རབ་ཏུ་ཁྲོས་ནས་བསྐུལ་བའི་ཚེ།། ལྷ་ཀླུ་གནོད་སྦྱིན་མཁའ་འགྲོ་རྣམས།། བདག་གིས་བཅོལ
32b2 བའི་ལས་རྣམས་ཀུན།། གང་ཡིན་གནས་སུ་ཕྱིན་པར་འགྲོ།། གདུག་པའི་རྫས་ནི་ཐམས་ཅད་ལ།། ཟླ་བ་གཟའ་ཡིས་ཟིན་དུས་སུ།། མཚོན་གྱི་དབབ་བྱ་ཤ་ཁྲག་དང་།། འདྲེ་འབྲོས་ཐང་ཆུ་དེ་རྣམས་སྦྱར།། མེས་རོག
32b3 ཤིང་ཤུན་ནང་དུ་གཏུམ།། གསང་སྔགས་ཁྲི་ཕྲག་གསུམ་བཟླས་ནས།། དེ་བསྟན་མོད་ལ་བྲེད་ཅིང་བརྒྱ་ལ།། འཇིག་རྟེན་ཁམས་སུ་འབྱེར་བར་འགྱུར།། ཞེས་གསུངས་སོ།། ཁྲོ་བོ་མི་གཡོ་མགོན་པོའི་རྒྱུད་ལས། དབྱེ
32b4 བའི་དཀྱིལ་འཁོར་གྱི་ལེའུ་སྟེ་གཉིས་པའོ།། །། དེ་ནས་ཡང་བཅོམ་ལྡན་འདས་ཁྲག་འཐུང་གི་རྒྱལ་པོ་དེས།། བུད་མེད་བུ་མེད་པ་ལ་བུ་བསླང་བ་ནི། ཕྱི་མཆོད་ཕུར་དགོད་ཚུལ་བཞིན་བྱ།། བུམ་པ་སྤོས་བདུག
32b5 རྒྱན་གྱིས་བརྒྱན།། སྨན་ལྔ་སྤོས་ལྔ་རིན་ཆེན་ལྔ།། འབྲུ་ལྔ་སྙིང་པོ་ལྔ་ཡང་བླུགས།། ཕོ་བྲང་དཀྱིལ་དུ་བུམ་པ་བཞག། ཕུར་པ་དགོད་ཅིང་ལྷ་ཚོགས་བསྐྱེད།། ཕུར་པ་བྱིན་བརླབ་གཞུང་བཞིན་བྱ།། ལྕགས་སྣ་ལྔ་ཡི
32b6 ཕུར་པ་ལ།། བྱིན་རླབ་བདུན་བྱས་དབུས་སུ་དགོད།། བསྙེན་པའི་ཕུར་པ་སྤྱི་དང་མཐུན།། འཛབ་ཀྱི་དུས་སུ་ཡུངས་ཀར་སྔགས་བཟླས་ལ།། བུམ་པར་བླུགས་ཤིང་བགེགས་ཀྱང་བསྐྲད།། ཚོགས་མཆོད་སྐབས་སུ
iiif viewer powered by OpenSeadragon
