| e-texts navigator |
| Wylie |
32a1 ཁྲོས་པའི་ཕྱག་རྒྱ་བསྐྱེད་རིམ་བསྒོམ།། བརྡའ་ཡི་ཕྱག་རྒྱ་ཕྱག་མཚན་རྣམས།། ཞེས་གསུངས་སོ།། ཁྲོ་བོ་མི་གཡོ་མགོན་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན
32a2 འདས་ཁྲག་འཐུང་གི་རྒྱལ་པོ་ཡིས་དབྱེ་བའི་དཀྱིལ་འཁོར་འདི་གསུངས་སོ།། མི་གཡོ་མགོན་པོའི་དཀྱིལ་འཁོར་ནི།། སྤུག་ནག་གྲུ་གསུམ་གདངས་པ་ལ།། རྩེ་མོར་མེ་ཡི་ཕུང་པོ་འབར།། ལོགས་ལ་པདྨ་འདབ
32a3 གསུམ་པ།། དེ་ཡི་དབུས་སུ་བསམ་པ་ནི།། མེ་རི་འབར་བའི་དབུས་སུ་བསམ།། ཉི་མ་ཟླ་བ་འོད་དང་བཅས།། དེ་ཡི་སྟེང་དུ་ས་བོན་ལས།། རང་འོད་སྔགས་ཀྱིས་གསལ་བར་འབར།། དེ་ཡི་སྐུ་ནི་མི་ཐུང
32a4 གཟུགས།། ཤིན་ཏུ་ལྡིང་ལ་མཁྲང་བག་ཆགས།། འཇིགས་པ་རྔམ་པའི་ཞལ་གདངས་ཤིང་།། རྐན་སྒྲ་བརྡེབ་པས་བྲེད་ཅིང་བརྒྱ་ལ།། གདུག་པའི་སྔགས་རྣམས་རབ་ཏུ་ཟློས།། དེ་འདྲའི་སྐུ་ཉིད་གསལ་བ་ལས།། ཡེ
32a5 ཤེས་སེམས་དཔའི་ཏིང་འཛིན་བལྟ།། སེང་ལྡེང་ཕུར་པ་ཚོན་གང་ལ།། དབང་བསྐུར་བྱིན་བརླབས་གུ་གུལ་བདུག། བཟླས་པ་སྟོང་ཕྲག་དྲུག་ཏུ་བཟླས།། བྱས་པས་མཚན་མ་བཟང་པོ་མཐོང་།། ལས་ལ་སྦྱར་བ་ཤེས
32a6 པར་བྱ།། རེ་བ་ནག་པོ་གང་དང་གང་།། དེ་ལ་གཟུགས་བརྙན་བྱས་ནས་ནི།། མིང་དང་རུས་ནི་སྙིང་གར་གཞུག། དེ་ལ་ཤེས་པ་རབ་བསྟིམས་ལ། ཁུགས་པའི་མཚན་མ་བྱུང་བ་དང་།། དེ་ལ་གདབ་པའི་ལས་ཀྱང
iiif viewer powered by OpenSeadragon
