| e-texts navigator |
| Wylie |
31a1 གདགས།། ཨཱ་བེ་ཤ་ཡ་བཏགས་ལ་བཟླས།། ཚེ་ཉམས་ཐམས་ཅད་བསྡུས་ལ་ནི།། བུམ་པའི་སྐུ་གསུང་ཐུགས་ལ་ཐིམ་པར་བསམ།། བུམ་པའི་ནང་དུ་ལྷ་རྣམས་བསྒོམ།། སྐུ་གསུང་ཐུགས་སུ་དབང
31a2 ཡང་བསྐུར།། ཉི་ཤུ་རྩ་གཅིག་འཕྲོ་འདུ་བཏང་།། རྒྱས་དབང་བདུན་པོ་རབ་ཏུ་གཅེས།། རི་ལུ་གསུམ་པོ་བཟའ་བར་བྱ།། སྐུ་གསུང་ཐུགས་ཀྱི་དབང་ཡང་ཐོབ།། ཅེས་གསུངས་སོ།། ཁྲོ་བོ་གཤིན་རྗེའི་གཤེད་པོའི་རྒྱུད
31a3 ལས། ཚེ་བསྒྲུབ་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ་དེ་ལ། ཀརྨ་ཧེ་རུ་ཀ་དང་། ཤ་བའི་མགོ་ཅན་དང་། འུག་པའི་མགོ་ཅན་དང་། མགོ་བརྙན་གྱི་ཚོགས་ཀྱིས།
31a4 གང་ཞིག་མགོན་པོ་ཇི་ལྟར་ལགས།། ཇི་ལྟར་མགོན་པོ་དོན་སྟོན་ཕྱིར།། སྟོང་པའི་ངང་ཉིད་ཇི་ལྟར་ལགས།། ཨེ་མ་ཧོ་གསང་བའི་བདག། དེ་སྐད་ཅེས་དགེས་ནས་ཞུས་སོ།། ཁྲག་འཐུང་གི་རྒྱལ་པོ་དེས། འཁོར་མགོ
31a5 བརྙན་གྱིས་ཚོགས་ལ། གསུང་འདི་སྐད་ཅེས་བཀའ་སྩལ་ཏོ།། ཨེ་མ་ཧོ། གསང་སྔགས་ཟབ་མོ་དོན་ཆེན་འདི།། དུས་གསུམ་སངས་རྒྱས་གང་གིས་ཀྱང་།། སྔར་འདས་སངས་རྒྱས་མ་གསུངས་ལ།། ཕྱིས་ཀྱང་གསུང
31a6 བར་མི་འགྱུར་རོ།། ཞེས་གསུངས་སོ།། རྒྱུད་ཀྱི་རྒྱལ་པོ་ཁྲོ་བོ་གཤིན་རྗེའི་གཤེད་ཀྱི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བཞི་པའོ།། ། ཁྲོ་བོ་གཤིན་རྗེའི་གཤེད་པོའི་རྒྱུད་རྫོགས་སོ།། །།
iiif viewer powered by OpenSeadragon
