| e-texts navigator |
| Wylie |
30b1 བཅས།། དེ་ཡི་རྨིག་པ་བཞི་རྣམས་ལ།། ཡཾ་ལས་རླུང་གི་དཀྱིལ་འཁོར་བསྐྱེད།། དེ་སྟེང་དམིགས་པའི་གཟུགས་བརྙན་བཞག། བཟླས་པ་ཁྲི་ཕྲག་གཅིག་བྱས་ལ།། ཐེམ་པའི་འོག་ཏུ་སྦས་གྱུར་ན།། གནས་ལས་འཕོ་བ
30b2 ངེས་པར་འགྲུབ།། དགུག་པ་རླུང་གི་ལྕགས་ཀྱུ་སྟེ།། ཟང་གཅིག་ཡུད་ལ་འགུགགས་པར་བྱེད། ཁྲོ་བོ་གཤིན་རྗེ་གཤེད་པོའི་རྒྱུད་ལས། དཀྱིལ་འཁོར་དགུག་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན
30b3 འདས་ཁྲག་འཐུང་རྒྱལ་པོ་དེས་ཚེ་སྒྲུབ་པའི་དོན་འདི་གསུངས་སོ།། རིན་ཆེན་སྣ་ལྔའི་བུམ་པ་རུ།། སྨན་ལྔ་འབྲུ་ལྔ་རིན་ཆེན་ལྔ།། སྤོས་ལྔ་སྙིང་པོ་ལྔ་རུ་གསུངས།། སྒོ་བཞི་ཕྱི་ལ་ཧྲཱི་བཞི་བྲི།། རྟ་མགྲིན་རྒྱལ་པོར
30b4 མངའ་གསོལ་ལ།། ནང་བླུག་བུམ་པའི་ཁ་རྒྱན་བཅས།། སྤོས་དང་གུ་གུལ་དུད་པས་བདུག། དཀར་གསུམ་མངར་གསུམ་རིལ་བུ་བྱ།། སྐུ་གསུང་ཐུགས་ལ་ཐིམ་པར་བསྟིམ།། མཚམས་བཅད་བགེགས་བསྐྲད
30b5 གཟུངས་ཟག་གཟུངས།། ལྷ་བསྐྱེད་འཛབ་བྱ་མཆོད་པ་དབུལ།། སྙན་གསན་དབབ་ཅིང་སྐུ་གསུང་ཐུགས་ལ་བསྟིམ།། སྔགས་ཀྱི་བདག་པོ་དབུས་སུ་བསྒོམ།། དཀྱིལ་འཁོར་པདྨ་འདབ་བརྒྱད་ལ།། ལཱ་སྱ་མཱ་ལེ་ཚེ་ཡི
30b6 བདག། ནི་ར་ཏི་གི་ར་ཏི་དབང་གི་སྐུ།། ནུབ་ནས་བཅོམ་ལྡན་མགོན་པོ་ཚེ་དཔག་མེད།། རྩི་བཅུད་ཐམས་ཅད་བུམ་པར་བསྡུ།། བྱང་སེམས་ཐམས་ཅད་སྐུ་གསུང་ཐུགས་ལ་བསྡུ།། རྩ་སྔགས་བསྐྱེད་ཅིང་ལས་སྔགས
iiif viewer powered by OpenSeadragon
