| e-texts navigator |
| Wylie |
29b1 སེམས་ཆེན་པོ། ཁྲོས་པའི་སྐུ་རྣམས་བསྐྱེད་པའི་རྒྱུ།། གདུག་པ་མ་ལུས་བསྒྲལ་བའི་ཕྱིར། ཁྲོས་པའི་སེམས་སུ་གྲུབ་མཛོད་ཅིག། ཧོ། པདྨ་དག་པ་ཡི་ཡང་། ཞེས་རྣམ་པར་བསྐུལ་ལོ།། ཡང་དེའི་ཚེ་དྲེགས་པའི་ཚོགས
29b2 དང་མགོ་བརྙན་གྱི་ཚོགས་ཀྱི་མ་དང་བུ་མོའི་ཚོགས་ཐམས་ཅད་གཡེམས་པའི་སེམས་དང་ལྡན་པར་གྱུར་ཏོ།། དེ་ནས་ཡང་ཁྲོ་མོའི་རྒྱལ་མོ་བྱང་ཆུབ་སེམས་ལ་ཡབ་ཀྱིས་བསྐུལ་བ་གླུ་འདིས་བསྐུལ་ལོ།། ཧཱུཾ་ཕ་དང་མ
29b3 དང་དགའ་བའི་ཀློང་།། གདུག་པ་སྒྲོལ་བའི་བྱང་ཆུབ་སེམས།། གདོད་ནས་དག་པའི་གཞལ་ཡས་སུ། ཁྲོས་པའི་ཚོགས་རྣམས་འབྱུང་བའི་དབྱིངས།། ཧོ་ཞེས་རྣམ་པར་བསྐུལ་ལོ།། དེ་ནས་ཡང་དེའི་ཚེ་ཁྲག་འཐུང་གི
29b4 རྒྱལ་པོའི་ཚོགས་ཡུམ་ལ་ཆགས་པའི་སེམས་དང་ལྡན་པ་འགྱུར་ཏོ།། དེ་ནས་བདེ་བའི་ངང་ལ་རྟག་ཏུ་ལྷན་ཅིག་ཏུ་བཞུགས་སོ།། ཁྲོ་བོ་གཤིན་རྗེའི་གཤེད་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ
29b5 ནས་ཁྲག་འཐུང་གི་རྒྱལ་པོ་དེས། གཤིན་རྗེའི་གཤེད་པོའི་དཀྱིལ་འཁོར་འདི་གསུངས་སོ།། གཤིན་རྗེའི་གཤེད་པོའི་དཀྱིལ་འཁོར་ནི།། གྲུ་གསུམ་མཐིང་ནག་འབར་བ་ལ།། ཟུར་གསུམ་བེ་ཅོན་སྔོན་པོས་བརྒྱན།། དེ
29b6 ཡི་དབུས་སུ་བསམ་བྱ་བ།། གྲོ་ག་ཤིན་ཤུན་གང་ཡིན་ལ།། ཐར་ནུ་ར་ལྷག་འདི་ཡིས་ནི།། རང་བྱུང་མེ་ཏོག་དང་སྦྱར་ནས།། གཟུགས་བརྙན་སོར་བཞིའི་ཚད་དུ་བྲི།། དེ་ཡི་དབུས་སུ་རབ་བཞག་པ།། དེ་ཡི་སྙིང་གའི
iiif viewer powered by OpenSeadragon
