| e-texts navigator |
| Wylie |
29a1 ཁྲོ་བོ་དབྱུག་པ་སྔོན་པོའི་རྒྱུད་ལས།། རྒུད་ཡོངས་སུ་གཏད་པའི་ལེའུ་སྟེ་ལྔ་པའོ།། ཁྲོ་བོ་དབྱུག་པ་སྔོན་པོའི་རྒྱུད་རྫོགས་སོ།། @#།། རྒྱ་གར་སྐད་དུ། ཀྲོ་དྷ་ཡ་མནྟ་ཀ་ཏརྠ། བོད་སྐད་དུ།
29a2 ཁྲོ་བོ་གཤིན་རྗེའི་གཤེད་པོའི་རྒྱུད། དཔལ་ཡ་མཱན་ཏ་ཀ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན།། མཐའ་དང་དབུས་མེད་པའི་རང་བཞིན
29a3 བཞུགས་གནས་ཆེན་པོ་ན།། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ཡུམ་དང་གཉིས་སུ་མེད་པར་བདེ་བ་ཆེན་པོའི་ངང་ལ་བཞུགས་སོ།། དེའི་ཚེ་འཁོར་ཀརྨ་ཧེ་རུ་ཀ་དང་། ཤ་བའི་མགོ་ཅན་དང་། འུག་པའི
29a4 མགོ་ཅན་དང་། མགོ་བརྙན་གྱི་ཚོགས་ཀྱིས་བཅོམ་ལྡན་འདས་ཁྲག་འཐུང་གི་རྒྱལ་པོ་ལ།། མཉམ་པ་ཉིད་ཀྱི་ངང་ལས་བཞེངས་ནས། སེམས་ཅན་གྱི་དོན་ལ་བསྐུལ་ཏེ་འདི་སྐད་ཅེས་གསོལ་ཏོ།། ཨེ་མ་ཧོ།། བཅོམ
29a5 ལྡན་རྡོ་རྗེའི་ངང་ཉིད་ལས།། གདུག་པའི་ལོག་རྟོག་གདུལ་སླད་དུ།། སྔོན་གྱི་སྨོན་ལམ་ཆེར་དགོངས་ལ།། སྙིང་རྗེ་ཆེན་པོ་བདག་ལ་སྟོན།། ཞེས་བསྐུལ་བས།། དཔལ་ཁྲག་འཐུང་གི་རྒྱལ་པོས་བསྐུལ་བར་མཁྱེན
29a6 ནས།། དེ་བཞིན་ཉིད་ཀྱི་ཏིང་ངེ་འཛིན་ལ་བཞེངས་ནས། གདུག་པ་ཅན་གྱི་ཚོགས་ཐམས་ཅད་ལ་ཁྱབ་པའི་སྙིང་རྗེ་ཆེན་པོ་བསྐྱེད་དེ། འདི་སྐད་ཅེས་བཀའ་སྩལ་ཏོ།། ཨེ་མ་ཧོ་འཁོར་གྱི་ཚོགས།། རིན་ཆེན་བྱང་ཆུབ
iiif viewer powered by OpenSeadragon
