| e-texts navigator |
| Wylie |
28b1 པའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས། ཕྱུགས་ནད་བསྲུང་བར་བྱ་སྟེ། སྨན་སྣ་ལྔ་དང་དྲི་སྣ་ཚོགས།། ཕུར་པ་ཡུངས་ཀར་གུ་གུལ་དང་།། མཆོད་ཅིང་གཞུང་བསྲང་སྨན་མཆོད་བྱ།། འབྲུ
28b2 དགུ་བཟླས་ཤིང་དྲག་སྔགས་གདགས།། ཨ་ཛི་ཏེ་ཨ་པ་རཱ་ཛི་ཏེ། ཛ་ཡེ་བི་ཛ་ཡེ། ཀ་ཏང་ཀ་ཡེ། སྲུང་མ་གསུམ་གྱི་སྔགས་རྣམས་གཅེས།། ཟླ་བ་དྲུག་ཏུ་བཟླས་པ་བྱ།། ཕྱུགས་ལ་སྨན་བླུད་ཕུར་པ་གདགས།། བཅོམ
28b3 ལྡན་དབྱུག་སྔོན་སྲུངས་ཤིག་བྱ།། ཡུངས་ཀར་སྔགས་ཀྱི་ཕུར་པ་གདགས།། ཕྱུགས་ནད་བསྲུང་བ་འགྲུབ་པར་འགྱུར། ཁྲོ་བོ་དབྱུག་པ་སྔོན་པོའི་རྒྱུད་ལས། ཕྱུགས་ནད་བསྲུང་བའི་ལེའུ་སྟེ་བཞི་པའོ།། །། དེ་ནས
28b4 བཅོམ་ལྡན་འདས་ཁྲག་འཐུང་གི་རྒྱལ་པོ་ལ། ཀརྨ་ཧེ་རུ་ཀ་དང་། གཡག་གི་མགོ་ཅན་དང་། བྱ་རོག་གི་མགོ་ཅན་ལ་སོགས་པ་ཕྲ་མེན་གྱི་ཚོགས་ཀྱིས། འདི་སྐད་ཅེས་གསོལ་ཏོ།། ཕྱིས་ནི་ས་ཕྱོགས་གང་དུ
28b5 དར།། གང་ཟག་ཅི་ལྟ་བུ་དང་འཕྲད།། འདི་སྟོན་སློབ་དཔོན་ཇི་ལྟར་ལགས།། བདག་ཅག་རྣམས་ཀྱིས་ཇི་ལྟར་བགྱི།། བཅོམ་ལྡན་འདས་ཀྱིས་ལུང་བསྟན་གསོལ།། དེ་སྐད་ཅེས་ནི་གསོལ་པ་དང་། ཁྲག་འཐུང་རྒྱལ
28b6 པོས་འཁོར་གྱི་ཚིག། གསན་ནས་གསུང་འདི་སྐད་ཅེས་བཀའ་སྩལ་ཏོ།། ཁྱོད་ནི་བཅོམ་ལྡན་འདས་དང་འདྲ།། སེམས་ཅན་ཀུན་ལ་ཕན་བྱེད་ཡིན།། མཁའ་མཉམ་པ་ཡི་ཕ་མ་ཡིན།། དེ་ཡང་འདི་ལྟར་གནས་པར་གྱིས།།
iiif viewer powered by OpenSeadragon
