| e-texts navigator |
| Wylie |
282a1 འོད་ཟེར་གྱིས།། དཀྱིལ་འཁོར་ཐམས་ཅད་མཆོད་པ་བྱ།། ཨོཾ་སརྦ་ཏ་ཐཱ་ག་ཏ་མ་ཧཱ་པཱུ་ཛ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། དེ་བཞིན་གཤེགས་པ་ཐམས་ཅད་ལ།། གསང་བ་འདི་ལས་གཞན་མེད་དེ།། དཀྱིལ
282a2 འཁོར་ཐམས་ཅད་སྐྱེད་མཛད་པ།། འཁོར་རྣམས་སྐུ་གསུང་ཐུགས་ཉིད་དེ།། ངོ་བོར་བྱ་ཕྱིར་རིམ་པར་བྱ།། རྒྱུ་ཡི་ངོ་བོ་གནས་པ་རྣམས།། རྣམ་པ་གཉིས་དང་ཡང་དག་ལྡན།། དོན་དམ་པ་དང་ཀུན་རྫོབ་བོ།། དེ་ནས
282a3 བཅོམ་ལྡན་འདས་དགྱེས་པ་ཆེན་པོས།། བཙུན་མོའི་མཁའ་རིན་པོ་ཆེའི་ཁང་པར་བྱིན་གྱིས་བརླབས་ཏེ། རྒྱན་བསམ་གྱིས་མི་ཁྱབ་པ་དང་ལྡན་པར་བྱས་ནས། ཕྱི་དང་འདྲ་བ་ཉིད་དུ་གྱུར་ཏོ།། དེ་ནས་འཁོར་སྐུ་ལས
282a4 བཏོན་ཏེ། ཉིད་ཀྱིས་དཀྱིལ་འཁོར་འཕྲོ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། ཨེ་མ་ཧོ་སངས་རྒྱས་ཐམས་ཅད་ཀྱིས།། བྱང་ཆུབ་སེམས་ཀྱི་བདག་ཉིད་འདི།། དེ་བཞིན
282a5 གཤེགས་པ་ཀུན་གྱི་གནས།། ཤིན་ཏུ་མི་རྟོག་གནས་མེད་པའོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས།། གསང་བའི་མཆོད་པས་མངོན་པར་མཆོད་དེ། ཕྱག་འཚལ་ནས་འདི་སྐད་ཅེས་གསོལ་ཏོ།། ཨེ་མ་ཧོ
282a6 རྒྱལ་བ་ཐམས་ཅད་ཀྱི།། བླ་ན་མེད་པའི་བྱང་ཆུབ་སེམས།། སྐུ་གསུང་ཐུགས་ཀྱིས་བྱིན་རློབས་ལ།། རབ་དགྱེས་ཁྱོད་ཀྱིས་བཤད་དུ་གསོལ།། ཞེས་བརྗོད་པས།། དགྱེས་པ་ཆེན་པོས་དེ་བཞིན་གཤེགས་པ་ཐམས
iiif viewer powered by OpenSeadragon
