| e-texts navigator |
| Wylie |
281a1 མའི་ཁ་ནས་བརྟག་པར་བྱ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འབར་བའི་རྒྱུད་ལས། རྟེན་གྱི་དཀྱིལ་འཁོར་བསྒྲུབ་པའི་ལེའུ་སྟེ་གསུམ་པའོ།། །། དེ་ནས་དེ
281a2 བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་པོ་དགྱེས་པ་ཆེན་པོ་དེ། འཁོར་ལོས་སྒྱུར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།། གསང་བའི་དཀྱིལ་འཁོར་བསྐྱེད་པ་འདི་གསུངས
281a3 སོ།། རྣམ་པར་སྣང་མཛད་མངོན་བྱང་ཆུབ།། ཞལ་གསུམ་པ་ལ་ཕྱག་དྲུག་པ།། གཡས་དཀར་གཡོན་དམར་སེར་བའི་ཞལ།། འཁོར་ལོ་རྡོ་རྗེ་རིན་ཆེན་དང་།། རྡོ་རྗེ་པདྨ་རྒྱ་གྲམ་འཛིན།། ཕྱག་རྒྱ་བཞི་དང་རབ་ལྡན
281a4 ཞིང་།། ཡན་ལག་བཞི་དང་གར་སྦྱོར་བས།། ཆ་སྟོད་ཆ་སྨད་མེད་པ་ཡི།། སྐྱ་རེངས་ཤར་བའི་ཚེ་ན་ནི།། བསྒྲུབ་པ་ཆེན་པོ་བརྩམས་པར་བྱ།། ལྷ་མོ་ཀླུ་མོ་མི་མོ་རྣམས།། བཞིན་བཟང་མིག་གི་དཀྱུས་རིང
281a5 བ།། གཟུགས་བཟང་གཞོན་པས་བརྒྱན་པ་དང་།། དཀར་ཞིང་འཇམ་ལ་འདོད་པར་དགའ།། ལོ་གྲངས་བཅུ་དྲུག་ལོན་པ་དང་།། ཉི་ཤུ་རྩ་ལྔ་པའམ་རུང་།། རིགས་ལྡན་པ་དང་ཡོན་ཏན་ལྡན།། མདོག་གཟུགས་ན་སོ
281a6 ལྡན་པ་ནི།། བདེ་བར་གཤེགས་པའི་སྔགས་འགྲུབ་པ།། མངོན་དུ་ཉེ་བར་སྤྱད་པར་བྱ།། རྒྱལ་རིགས་ལ་སོགས་བུ་མོ་ལ།། འདོད་པ་ལ་སོགས་མཉེས་བྱས་ནས།། ཐེག་ཆེན་མཆོག་གི་སྣོད་དུ་འགྱུར།། སྨེ་ཤ་ཅན་དང
iiif viewer powered by OpenSeadragon
