| e-texts navigator |
| Wylie |
27b1 གཞུང་ཡང་བརྩམ།། བཀྲ་ཤིས་དོན་འགྲུབ་གནས་ཡིན་པས། དབང་དང་དགུག་པའི་གནས་སུ་བསྟན།། ནགས་ནི་ཚེར་མ་གདུག་པ་ཡོད།། སྟག་དང་དོམ་དང་གཟིགས་རྣམས་དང་།། སྦྲུལ་གདུག་གནས་པའི་ནགས
27b2 འདབ་དང་།། གནམ་ནི་རལ་གྲི་འདྲ་བ་དང་།། མདའ་ཡིས་ཕུག་དང་གྲིས་བཤའ་འདྲ།། ས་ནི་ཟུར་གསུམ་འཇོམས་པའི་དབྱིབས།། ས་འཁོས་མེ་དཔུང་འབར་བ་འདྲ།། ལེགས་ལ་དུ་བའི་རི་མོ་ཡོད།། ཉམས་དང
27b3 ལྡན་པས་བཙལ་བྱས་ན།། ངེས་པར་མྱུར་དུ་འགྲུབ་པར་འགྱུར། ཁྲོ་བོ་དབྱུག་པ་སྔོན་པོའི་རྒྱུད་ལས།། གླེང་གཞིའི་གནས་ཀྱི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོ
27b4 དེས།། དཀྱིལ་འཁོར་གྱི་ལས་བསྟན་ཏེ།། དབྱུག་པ་སྔོན་པོའི་དཀྱིལ་འཁོར་ནི།། མཐིང་ནག་གྲུ་གསུམ་འབར་བ་ལ།། ཐོད་པ་གསུམ་དང་དབྱུག་པས་བརྒྱན།། དབུས་སུ་རོ་ཡི་ཕུང་པོ་ལ།། སྐད་ཅིག་གིས་ནི
27b5 གསལ་བར་བལྟ།། མཆེ་གཙིགས་རྐན་རྡེབ་དབྱུག་པ་ལེན།། ཧཱུཾ་གི་རང་སྒྲ་ཐམས་ཅད་སྒྲོགས།། ཆག་གང་དབུས་སུ་བཞག་པ་ནི།། རོ་སོགས་གཡས་པའི་དཀྱིལ་གནས་སུ།། གཟུགས་བརྙན་བྱས་ལ་གཞག་པར
27b6 བྱ། དེ་ལ་ཤེས་པ་རབ་སྟིམས་ལ།། དབུས་སུ་ལྕགས་ཀྱི་ཕུར་གདབ་ལ།། གཞག་པར་བྱ་བ་ཡིན་པར་བཤད།། ཨོཾ་སུམ་བྷ་ནི་སུམ་བྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀ་ཧྣ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་བཱན། བིདྱཱ་རཱ་ཛ་ཧཱུཾ
iiif viewer powered by OpenSeadragon
