| e-texts navigator |
| Wylie |
276b1 འཁོར་དང་།། ཆུ་ཡིས་རྣམ་པར་གཡོགས་པར་བསྒོམ།། རྡོ་རྗེ་ལ་སོགས་རྣམ་ལྔ་ཡིས།། ཞེ་སྡང་གཏི་མུག་འདོད་ཆགས་དང་།། ང་རྒྱལ་ཕྲག་དོག་གཅོད་བྱེད་པའོ།། སྐུ་གསུང་ཐུགས་ཀྱི་རང་བཞིན་དང་།། ཡོན་ཏན
276b2 འཕྲིན་ལས་རྣམས་ཀྱིས་རྒྱན།། བགེགས་རྣམས་རྣམ་པར་གཞིག་པའི་ཕྱིར།། བརྒྱལ་ཞིང་རབ་ཏུ་བརྒྱལ་བར་འགྱུར།། མོས་ཤིང་རྣམ་པར་འགལ་འགྱུར་ཏེ།། ཚིག་ཅིང་རྣམ་པར་འབྲོས་པར་འགྱུར།། ནམ་མཁའ
276b3 དྲངས་པའི་རང་བཞིན་ལས།། རྡོ་རྗེ་ལ་སོགས་གུར་ལྔ་ཤར།། སྟེང་འོག་གུར་དང་ས་བཞི་དང་།། བླ་རེ་དང་ནི་ར་བ་དང་།། རྩིགས་པར་བྱས་ཤིང་བར་མཚམས་མེད།། མེ་སྟག་འཕྲོ་ཞིང་རྣམ་པར་བཀྲིག། མདངས
276b4 ཅན་ཁ་དོག་ལྔ་དང་ལྡན།། ཡོན་ཏན་ཀུན་གྱིས་རབ་བརྒྱན་པ།། ཐུན་མོང་མ་ཡིན་བཀའ་ཡི་མཚམས།། ཐུན་མོང་དབང་ཆེན་མཚམས་རྣམས་ནི།། ས་བོན་ཡི་གེ་ཧཱུཾ་ཉིད་ཀྱིས།། སྐུ་གསུང་ཐུགས་ཀྱི་རྡོ་རྗེ་སྟེ།། དབང
276b5 ཆེན་དཀྱིལ་འཁོར་བསྐྱེད་པའོ།། ནམ་མཁའི་ཁམས་ཀྱི་དབུས་དག་ཏུ།། ཡི་གེ་ཧཱུཾ་གི་ཁྱད་པར་ལས།། ཨ་རྣམས་འབྲོས་ཤིང་འདུས་པ་ནི།། སྔོན་པོ་གཞུ་འདྲ་བ་དན་ཕྱར།། དུ་བའི་འོད་ཀྱི་ཕྲེང་བས་བསྐོར།། སྐུ་ལ
276b6 སོགས་པའི་རྡོ་རྗེ་རྣམས།། རྒྱུ་ལ་གནས་པ་དེ་བཞིན་ཏེ།། འབྲས་བུ་ལ་ཡང་གནས་བྱའི་ཕྱིར།། རླུང་གི་སྟེང་ན་ཡི་གེ་ཨོཾ།། རྡོ་རྗེ་གཉིས་དང་ཡང་དག་ལྡན།། དེ་སྟེང་རཾ་ལས་བྱུང་བ་ཡི།། དམར་པོ་གྲུ་གསུམ་རྡོ་རྗེས
iiif viewer powered by OpenSeadragon
